TUANGA 1
Akapeea Tatou me Akarongo ki te Atua?
Tuatua maira te Atua kia tatou na roto i te Pipiria. 2 Timoteo 3:16
Kua akaue te Atua mou i tetai au tane kia tata i tona manako ki roto i tetai puka tapu. Ko te Pipiria taua puka ra. Tei roto i reira te au akakiteanga puapinga ta te Atua e inangaro ra ia koe kia kite.
Kua kite te Atua i te mea meitaki no tatou, e koia te Tumu o te pakari ravarai. Me akarongo koe kiaia, ka pakari tikai koe. —Maseli 1:5.
Inangaro te Atua i te au tangata ravarai i te enua nei kia tatau i te Pipiria. Tei roto te reira i te au reo e manganui.
Me inangaro koe i te akarongo ki te Atua, e tatau e kia marama i te Pipiria.
Mataio 28:19
Akarongo maira te tangata i te au ngai ravarai.Ka tauturu te Au Kite o Iehova ia koe kia marama i te Pipiria.
Te apii nei ratou i te tuatua mou no runga i te Atua ki te tangata i te ao katoa.
Kare koe e tutaki i teia apii. Ka rauka katoa ia koe te apii no runga i te Atua i ko i te au uipaanga a te Au Kite o Iehova.