Te Enua Parataito
Ka takore takiriia e Iehova te au tu kikino katoatoa ta Satani i rave. Kua akariro a Iehova ia Iesu ei Ariki ki runga ake i te enua katoa nei. I raro ake i tana tutara anga, ka akariroia te enua nei ei parataito.—Daniela 7:13, 14; Luka 23:43.
Kua taputou mai a Iehova i teia au mea:
-
E MAATA TE KAI: “Ei reira e ua maata mai ei te enua, e na te Atua, na to tatou uaorai Atua, e akameitaki mai ia tatou nei!” “Ka maata te titona ki runga i te enua; I te take o te au maunga ra ka ki maringiringi.”—Salamo 67:6; 72:16, NW.
-
KARE E TAMAKI AKAOU: “E aere mai kotou e te au tangata, e akara i te au raveanga a Iehova, Kua akatupu aia i te au mea umere i te enua nei. Te akakore ra aia i te au tamaki e tae rava akenei ki te openga enua.”—Salamo 46:8, 9, NW.
-
KARE E AU TANGATA KINO: “Ka riro oki te aronga i rave i te kino ra i te tipu keia . . . E roa poto ake, e kare ua te tangata kino ra, koia tika rai, ka akara koe i tona ngai, e kare ua!”—Salamo 37:9, 10.
-
KARE E MAKI, E MII, E TE MATE: “Ei reira e akapueraiaʼi te mata o te matapo ra, e e akaputataiaʼi te taringa o te turi ra. Ei reira te pirikoki e rererere aere ei mei te aili, e imene mai oki te vaa o te murare.”—Isaia 35:5, 6.
“E noo te Atua ki rotopu ia ratou, ei Atua no ratou. E nana e orei i te roi-mata katoatoa; e e kore rava te mate, e te aue, e te mii; e te mamae oki, e kore katoa ïa; no te mea kua kore te au mea taito.”—Apokalupo 21:3, 4.
Kare mei ia Satani e tana au temoni rai, kare rava a Iehova e pikikaa. Pouroa tana au mea i taputou maira ka tupu anake ia. (Luka 1:36, 37) Te inangaro maira Iehova ia koe e te anoano ra kia noo koe ki roto i te Parataito tana ka maani mai. E no reira e aravei atu i te au Kite o Iehova kia apii maata atu no runga i te au tuatua mou umere te kitea ra i roto i te Tuatua a te Atua. Me ka akono koe i te tuatua mou i toou oraanga, ka akarangatiraia koe mei te tuikaa anga ki te pikikaa, te mataku tau kore, e te tu kite kore. Ei muri akera, ka akamatara katoaia koe mei te tuikaa anga ki te ara e te mate. Mei ta Iesu i tuatua ra: “Ka kite ïa kotou i te tuatua-mou, e na te tuatua-mou kotou e akarangatira.”—Ioane 8:32.
Ka Reka Katoa Koe i Teia
ESSENTIAL BIBLE TEACHINGS
Eaa te Patireia o te Atua?
Roto i ta Iesu angaanga orometua, kua apii aia no runga i te Patireia o te Atua. No tetai au anere mataiti, kua pure tana au pipi no teia Patireia kia tae mai.
