Te akakite maira te Puka Tapu kia tatou e e manganui te peretana vaerua. E vaerua rai a Iehova uaorai.—Ioane 4:24; 2 Korinetia 3:17, 18.

I tetai tuatau ko Iehova anake ua i te ao katoa e pini ua ake. E kua akamata mai aia i te anga i te au peretana tei karangaia ra e au angera. E maata atu to ratou ririnui e e maata atu oki to ratou kite i to te tangata. Kua angaia e Iehova e manganui te au angera; i kite te tavini o te Atua ko Daniela, na roto i te orama, e tai anere mirioni angera.—Daniela 7:10; Ebera 1:7.

Kua angaia e Iehova teia au angera i mua ake ka angaʼi aia i te enua nei. (Iobu 38:4-7) Kare etai io ratou ra i te au tangata tei ora ana i mua ana e i mate ki te enua nei.