No tetai raungauru mataiti, kua taangaanga, nenei, e kua tua aere te Au Kite o Iehova i te au urianga tukeke o te Pipiria. E kua kite mai matou e te anoanoia ra kia neneiia tetai urianga ou te ka tauturu i te au tangata kia rauka te “kite i te tuatua-mou,” e ko to te Atua anoanoia no te katoatoa. (1 Timoteo 2:3, 4) No reira, i te mataiti 1950, kua nenei matou i tetai au tuanga o te Pipiria New World Translation i roto i te reo o teia tuatau. Kua uri meitakiia teia Pipiria ma te tika tikai i roto i te 130 tuma reo.

Anoanoia ra tetai Pipiria mama ua i te marama. Te taui nei te au reo i te au taime, e e maata te au urianga kare e maramaia ana. E maata katoa te au tataanga taito tika tei kiteaia mai tei vaitata atu ki te urianga mua, e tei tauturu mai kia marama meitakiia atu te Pipiria reo Epera, reo Arama, e te reo Ereni.

Anoanoia ra tetai urianga te rotai tikai ra ki te tuatua a te Atua. Kare ratou i taui ana i te au tataanga akauruia a te Atua, mari ra kua aru rotai tikai te aronga uri Pipiria i te urianga mua. Ko te maataanga o te au urianga, kare te ingoa o te Atua, ko Iehova i roto i te au Tuatua Tapu.

Anoanoia ra tetai Pipiria te akangateitei ra i Tei Tata mai i te reira. (2 Samuela 23:2) Kua akaokiia te ingoa o Iehova ki roto i te New World Translation te ka kiteaia mei tetai 7,000 taime i roto i te au tataanga taito o te Pipiria mei tei akaariia mai i raro akenei. (Salamo 83:18) No te au kimikimi meitaki anga i te au mataiti, ka mareka tikai koe i te tatau i teia Pipiria no te mea te akaari meitaki maira te reira i to te Atua manako. Mei tei roto te New World Translation i toou reo me kare, te akamaroiroi atu nei matou ia koe kia tatau ua rai i te Tuatua a Iehova i te au ra ravarai.—Iosua 1:8; Salamo 1:2, 3.

• Eaa ra matou i manako ei e ka anoanoia tetai urianga ou o te Pipiria?

• Eaa ta tetai tangata ka rave i te au ra ravarai kia kite i to te Atua anoano?