Meitaki maata no taau akapou anga i tetai taime i te akara meitaki anga i teia poroutia kia kite meitaki koe i te Au Kite o Iehova, ta matou au angaanga, e te au angaanga a te akaaerenga. Te irinaki nei matou e kua riro teia ei tauturu ia koe kia kite mai e ko matou te rave nei i to Iehova anoano i teia tuatau. Te akamaroiroi atu nei matou ia koe kia apii i te kite tikai i te Atua, kia akakite atu ki toou pamiri e te au oa i taau i kite mai, e kia piri putuputu mai kia matou i ko i te au uipaanga Kerititiano.—Ebera 10:23-25.

Ka kite mai koe e me apii maata koe no runga ia Iehova, e maata atu taau ka kite mai i tona inangaro maata ia koe. Ka akakeu te reira ia koe kia rave i taau ka rauka i te akaari i toou inangaro kiaia. (1 Ioane 4:8-10, 19) Inara, akapeea koe me akaari i toou inangaro no te Atua i roto i toou oraanga? Eaa ra te aru anga i tana au turanga akono tau i riro ei ei mea meitaki tikai noou? E eaa te ka tauturu ia koe kia inangaro i te piri mai kia matou i te rave i to te Atua anoano? Ka rekareka toou puapii Pipiria i te tauturu ia koe i te kimi i te au pauanga kia rauka ia koe e toou pamiri i te ‘tamou tikai i to kotou uaorai inangaro i te Atua, e tae ua atu ki te ora mutu kore ra.’—Iuda 21.

Te pati pumaana atu nei matou ia koe kia tere ua rai ki mua i roto i te tuatua mou na te apiianga i te “Kia Noo Tamou Kotou i Roto i te Aroa o te Atua.”