APII 02
Oronga Mai te Pipiria i te Manakonakoanga Meitaki
Te akakoromaki nei te tangata i te oraanga maromaroa, te taitaia, e te mamae. Kua tupu ainei teia kia koe? Penei te akakoromaki ra koe i te maki kino me kore kua takake tetai taau i akaperepere. Penei ka ui koe, ‘Ka meitaki ainei te oraanga?’ Te oronga maira te Pipiria i te pauanga meitaki.
1. Eaa te manakonakoanga meitaki a te Pipiria no tatou?
Te akakite maira te Pipiria te tumu i tupu ei te manamanata i teianei ao e ka takoreia te reira. Ka riro te au taputou Pipiria ei ‘oronga atu i te tuatau ki mua ta kotou i manakonako ra.’ (E tatau ia Ieremia 29:11, 12.) Ka tauturu teia au taputou kia akakoromaki tatou i te manamanata e ka mataora tatou i teianei e tuatau ua atu.
2. Eaa te oraanga ta te Pipiria e akakite maira no te tuatau ki mua?
Te akataka maira te Pipiria “e e kore rava te mate, e te aue, e te mii; e te mamae oki, e kore katoa ïa.” (E tatau ia Apokalupo 21:4.) Te au manamanata te akatupu nei i te mamae i teia tuatau—mei te putaua, te tika kore, te maki e te mate—ka kore ïa. Taputou te Pipiria ka mataora te tangata i Parataito i te enua nei e tuatau ua atu.
3. Akapeea koe e papu ei e ka tupu te taputou a te Pipiria?
E maata te tangata te tapapa atu nei i te oraanga meitaki inara kare i papu ia ratou me ka tupu te reira. E tuke ta te Pipiria e taputou maira. Ka irinaki tatou i te reira na “te kimi anga i te tuatua i tataia ra.” (Angaanga 17:11) Ia koe e apii ra i te Pipiria, e akara me ka irinaki koe i te reira.
KIMI OONU
Akara matatio i te oraanga ta te Pipiria i taputou mai no te tuatau ki mua. Akara akapeea te manakonakoanga o te Pipiria te tauturu anga i te tangata i teia tuatau.
4. Te oronga maira te Pipiria i te manakonakoanga no te oraanga mutu kore
Akara i teia au taputou Pipiria. Ko teea taau e reka ra? Eaa te tumu?
E tatau i te au irava i te pae i teia au taputou, e oti e akamanako i teia au uianga:
-
I toou manako ka puapingaia ainei koe mei teia au irava? Ka puapingaia ainei toou ngutuare tangata e te au oa?
Akamanako ana i te oraanga i reira
|
KARE TE TANGATA E . . . |
KA KITE TE KATOATOA I TE . . . |
|---|---|
|
|
|
|
|
|
|
|
|
|
5. Ka riro te au taputou Pipiria ei akamaroiroianga
E maata te tangata te taitaia ra e te riri ra no te au manamanata e tupu nei. Tauta tetai pae kia taui e kia meitaki te turanga. Akara akapeea te taputou Pipiria te tauturu anga i te tangata i teianei. Akatangi i te VITIO, e oti uriuri i teia au uianga.
-
I roto i te vitio, eaa te tu tika kore ta Rafika i kite?
-
Noatu kare te tu tika kore tana i kite ana i meitaki mai, akapeea te Pipiria te tauturu anga iaia?
Ka riro te taputou Pipiria no te tuatau ki mua ei tauturu ia tatou kia akakoromaki i te tu apikepike e te manamanata. E tatau ia Maseli 17:22 e Roma 12:12, e oti uriuri i teia au uianga:
-
I toou manako ka riro te manakonakoanga o te Pipiria ei akamaroiroi ia koe i teianei? Eaa ra?
KARANGA TE TANGATA: “E moemoea ua te au taputou a te Pipiria no te tuatau ki mua.”
-
Eaa ra i puapinga ai kia akara matatio tatou i te tika?
APIIANGA
Oronga mai te Pipiria i te manakonakoanga kia akakoromaki tatou i te manamanata na te taputou anga mai i tetai oraanga mataora.
Uriurianga
-
Eaa te tangata ka anoano ei i te manakonakoanga?
-
Eaa ta te Pipiria e karanga ra no te tuatau ki mua?
-
Akapeea te manakonakoanga no te tuatau ki mua me tauturu ia koe i teianei?
KIMI KIMI
Apii maata atu no runga i te manakonakoanga pumaana.
“Manakonakoanga—Ka Rauka Ainei?” (E Ara!, Aperira 22, 2004)
Apii akapeea te manakonakoanga no te tuatau ki mua me tauturu i te aronga maki kino.
“Me tu Koe i te Maki Kare e Rapakauanga—Ka Tauturu Ainei te Pipiria?” (Web atikara)
Me akara koe i teia vitio imene, akamanako i toou ngutuare mataora i Parataito.
Tatau akapeea te oraanga o tetai tangata te taui anga i te apiianga i te Pipiria.
“Kare Au e Manako Akaou e ka Anoanoia Au Kia Taui i Teianei Ao” (Punanga Tiaki atikara)
Ka Reka Katoa Koe i Teia
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
