APII 04
Koai te Atua?
Kua roa ake nei te tuatau te akamori anga te tangata i te au atua e te au atua vaine tukeke. Inara te akakite ra te Pipiria, okotai rai Atua “tei maata i te au atua katoa ra.” (2 Paraleipomeno 2:5) Koai aia? Eaa aia i maata atu ei i te au atua e akamoriia ra e te tangata? I teia apii, akara akapeea te Atua te akakite anga mai iaia kia koe.
1. Koai te ingoa o te Atua, e eaa te akapapu anga kia kite tatou i tona ingoa?
Te akakite maira te Atua iaia i roto i te Pipiria. Karanga aia: “Ko au ko Iehova; ko toku ïa ingoa.” (E tatau ia Isaia 42:5, 8.) Ko “Iehova” te urianga o te ingoa Epera, te aiteanga “Ka Akatupu Aia.” Inangaro a Iehova ia tatou kia kite i tona ingoa. (Exodo 3:15) Akapeea tatou e papu ei? Tei roto tona ingoa i te Pipiria e 7,000 taime! a Te ingoa Iehova no “te Atua [ïa] i te rangi, e ki raro katoa i te enua nei.”—Deuteronomi 4:39.
2. Eaa ta te Pipiria e akakite maira no Iehova?
Karanga te Pipiria ko Iehova anake te Atua mou. Eaa ra? E maata te tumu. E taoonga ngateitei rava to Iehova, e koia anake “Tei Teitei i te enua katoa nei.” (E tatau ia Salamo 83:18.) Koia te “Mana Katoatoa,” te aiteanga e mana tona i te akatupu i tana ka rave. Nana “i anga i te au mea ravarai nei”—te ao rangi e pini ua ake e te au mea ora i te enua nei. (Apokalupo 4:8, 11) Kua vai ana a Iehova, e ka vai ua atu rai e tuatau ua atu.—Salamo 90:2.
KIMI OONU
Akara matatio i te tuke i rotopu i te au taoonga o te Atua e tona ingoa mou. E oti apii akapeea e no teaa aia i akakite mai ei i tona ingoa kia koe.
3. E maata to te Atua taoonga, okotai rai ingoa
Kia kite i te tuke i rotopu i te taoonga e te ingoa o tetai, akatangi i te VITIO, e oti uriuri i teia uianga.
-
Eaa te tuke i rotopu i te taoonga, “Atu,” e tetai ingoa?
Karanga te Pipiria e te akamori ra te tangata i te au atua e te au atu. E tatau ia Salamo 136:1-3, e oti uriuri i teia uianga:
-
Koai “te Atua no te au atua ra” e “te Atu o te au atu ra”?
4. Inangaro a Iehova kia kite e kia kapiki koe i tona ingoa
Eaa te akaari maira e te inangaro ra a Iehova kia kite koe i tona ingoa? Akatangi i te VITIO, e oti uriuri i teia au uianga.
-
I toou manako te inangaro ra ainei a Iehova kia kite te katoatoa i tona ingoa? Eaa ra?
Inangaro a Iehova kia kapiki te tangata i tona ingoa. E tatau ia Roma 10:13, e oti uriuri i teia au uianga:
-
Eaa i puapinga ai kia kapiki i to te Atua ingoa, ko Iehova?
-
Eaa toou manako me maaraia toou ingoa e kua kapikiia mai te reira?
-
Eaa to Iehova manako me kapiki koe i tona ingoa?
5. Inangaro a Iehova ia koe kia piri vaitata kiaia
Karanga te vaine Cambodia ko Soten e na te apiianga i te ingoa o te Atua i mataora ai aia i “tetai pirianga meitaki.” Akatangi i te VITIO, e oti uriuri i teia uianga.
-
I roto i te vitio, akapeea ta Soten apii i te ingoa o te Atua te akakeu anga iaia?
I mua ake ka riro ei koe ei oa no tetai, ka apii koe i tona ingoa. E tatau ia Iakobo 4:8a, e oti uriuri i teia au uianga:
-
Eaa ta Iehova e pati maira ia koe kia rave?
-
Akapeea te kite anga e te kapiki anga i te ingoa o te Atua me akavaitata ia koe kiaia?
KARANGA TE TANGATA: “Okotai rai Atua, taau ua ingoa ka kapiki iaia.”
-
Irinaki ainei koe e ko Iehova te ingoa o te Atua?
-
Akapeea koe me akamārama e te inangaro ra te Atua kia kapiki koe i tona ingoa?
APIIANGA
Ko Iehova te ingoa o te Atua mou anake. Inangaro aia kia kite e kia kapiki tatou i tona ingoa kia piri vaitata kiaia.
Uriurianga
-
Eaa te tuke ia Iehova mei te au atua ta te tangata e akamori ra?
-
Eaa tatou ka kapiki ei i te ingoa o te Atua?
-
Eaa te akaari maira e te inangaro ra a Iehova ia koe kia piri vaitata kiaia?
KIMI KIMI
Akara matatio e rima tumu papu e kua vai ana te Atua.
Akamanako i te tumu kia irinaki e kua vai ana te Atua.
“Naai i Anga i te Atua?” (Te Punanga Tiaki, Tepetema-Okotopa, 2014)
Apii kia kite i te kapiki i to te Atua ingoa, noatu kare i kitea akapeea tikai me kapiki i te reira.
Ka kapiki ainei tatou i to te Atua ingoa? Akara kia kite tatou okotai rai ona ingoa.
a No te aiteanga o te ingoa o te Atua e te tumu i kiriti ei te aronga uri Pipiria i te reira, akara i te Appendix A4 o te New World Translation of the Holy Scriptures.