APII 05
E Karere te Pipiria no ko Mai i te Atua
Kua oronga mai a Iehova i tetai apinga aroa—e 66 puka rikiriki koia oki te Pipiria. Ka manako ra koe: ‘Noea mai te Pipiria? Naai i tata i te reira?’ Ei pau i teia au uianga, ka uriuri tatou akapeea te Pipiria a te Atua i tae mai ei kia tatou.
1. Me na te tangata i tata i te Pipiria, eaa i karangaia ai na te Atua te reira?
Kua tataia te Pipiria e te 40 tangata no tetai 1,600 mataiti te roa, mei te 1513 M.T.N. ki te 98 T.N. E tukeke te turanga o te aronga tata. Noatu te reira, kua rotai te karere Pipiria. Akapeea ra? Na te Atua i Tata i te Pipiria. (E tatau ia 1 Tesalonia 2:13.) Kare te aronga tata i tata i to ratou manako. Mari ra, kua tata ratou i “tei tuatua i ta te vaerua tapu i tuku mai.” a (2 Petero 1:21) Kua taangaanga te Atua i tona vaerua tapu kia akauru, e kia akakeu ia ratou kia tata i tona manako.—2 Timoteo 3:16.
2. Koai ka puapinga mei te Pipiria?
Ko “te pa enua katoa, e te au kopu, e te au reo, e te au iti-tangata,” ka rauka ia ratou te nuti meitaki mei te Pipiria. (E tatau ia Apokalupo 14:6.) Kua inangaro te Atua kia puapinga te tangata ravarai i te karere o te Pipiria e kua uriia ki to ratou reo. Ka rauka i te katoatoa te Pipiria. Noatu te ngai e noo ra e te reo e tuatuaia ra.
3. Akapeea a Iehova te paruru anga i te Pipiria?
Kua tataia te Pipiria ki runga i te kiri manu e te peapa raupo. Kua tata rima e kua kopi putuputuia e te aronga tei akaperepere i te Pipiria. Noatu kua tauta tetai aronga mana i te takore i te Pipiria, kua paruru tetai pae i te reira. Kare a Iehova e akatika i tetai kia tāpu iaia mei te karangaranga anga mai kia tatou. Karanga te Pipiria: “Te tuatua a to tatou Atua, e tu ïa e rimua.”—Isaia 40:8.
KIMI OONU
Apii akapeea te Atua te akauru anga i te tangata kia tata i te Pipiria, te paruru i te reira, e kia rauka i te katoatoa.
4. Akakite mai te Pipiria koai te Tata
Akatangi i te VITIO. E oti e tatau ia 2 Timoteo 3:16, e te uriuri i te uianga ka aru mai.
-
Me na te tangata i tata i te Pipiria, eaa i karangaia ai e Tuatua ïa na te Atua?
-
I toou manako ka rauka ainei i te Atua i te tuku mai i tona manako ki te aronga tata?
5. Vai ua te Pipiria noatu te patoi anga
Me na te Atua te Pipiria, ka akono rai aia i te reira kia kore e takoreia. I te au mataiti i aereia mai, kua tauta te aronga mana no te takore i te Pipiria. Kua uuna te au arataki akonoanga i te reira. Noatu te arairaianga e te tamatakuanga a tetai pae, e maata tei paruru i te Pipiria. Teia tetai, akatangi i te VITIO, e oti uriuri i te uianga ka aru mai.
-
Kua akakeuia ainei koe kia tatau i te Pipiria? Eaa ra?
E tatau ia Salamo 119:97, e oti uriuri i teia uianga:
-
Eaa tei akakeu i te tangata kia uri e kia tuʼa aere i te Pipiria?
6. E puka na te katoatoa
Ko te Pipiria te puka tei uriia e tei tuʼa maataia i te ao katoa. E tatau ia Angaanga 10:34, 35, e oti uriuri i teia au uianga:
-
Eaa te Atua i inangaro ei i tana Tuatua kia uriia e kia tuʼa aereia i te ao katoa?
-
Eaa taau e reka ana i te Pipiria?
Vaitata e
100%
tangata i te ao katoa
e Pipiria tetai i to ratou reo
Ka rauka e
3,000
tuma reo
te katoa e tetai tuanga
5,000,000,000
Kopi tei neneiia,
maata atu i tetai puka ke
KARANGA TE TANGATA: “E puka taito te Pipiria tei tataia e te tangata.”
-
Eaa toou manako?
-
Eaa te au akapapuanga e Tuatua te Pipiria na te Atua?
APIIANGA
E Tuatua te Pipiria na te Atua, e kua inangaro aia kia rauka i te katoatoa.
Uriurianga
-
Eaa te aiteanga e kua akauru te Atua i tetai aronga kia tata i te Pipiria?
-
Eaa taau i umere e kua vai ana te Pipiria, kua uriia, e kua tuʼa aereia?
-
Eaa toou manako e kua inangaro maata te Atua i te karangaranga mai kia koe?
KIMI KIMI
Tatau i te tuatua enua o te Pipiria—mei te tataanga taito e te urianga o teia tuatau.
“Te Vaianga Mai te Pipiria Kia Tatou” (E Ara!, Tianuare 2008)
Apii akapeea te Pipiria te vai ua anga noatu te tauta anga e toru kia takore i te reira.
Akara akapeea tetai pae te na roto anga i te kino no te uri i te Pipiria.
Kua kopi e kua uri putuputuia te Pipiria. Akapeea koe i papu ei kua akonoia te karere a te Atua?
“Kua Taui me Kore kua Akatarevakeia Ainei te Pipiria?” (Web atikara)