APII 11
Akapeea Koe e Puapinga ai Mei Taau Tatau Pipiria
E ru ana ainei koe i te akamata i tetai angaanga ou? Kia māmā mai te reira, penei e akapapa ki roto i te au tuanga rikiriki. Pera katoa te tatau Pipiria. Penei ka ui koe, ‘Ka akamata au kiea?’ I teia apii, ka uriuri tatou akapeea koe e mataora ai i te tatau e te apii i taau Pipiria.
1. Eaa tatou ka tatau putuputu ei i te Pipiria?
Me tatau putuputu tetai tangata i te Pipiria, me kore “te ture a Iehova,” ka mataora aia. (E tatau ia Salamo 1:1-3.) Ei akamata, e tatau i nga miniti i te rā. Te maata atu taau tatau i te Tuatua a te Atua, ka mataora koe i taau tatau Pipiria.
2. Eaa te ka tauturu kia puapingaia koe me tatau i te Pipiria?
Kia puapingaia mei te tatau Pipiria, ka anoanoia tatou kia tāpu e kia akamanako i ta tatou e tatau ra. Ka tatau tatou i te reira e ka “akamaara tikai” i te reira. (Iosua 1:8) Ia koe e tatau ra, ui kia koe uaorai: ‘Eaa ta teia e akakite maira no te Atua ko Iehova? Akapeea au me akono i teia apiianga? Akapeea au me taangaanga i teia au irava ei tauturu i tetai ke?’
3. Akapeea koe me akanoo i te taime no te tatau i te Pipiria?
E ngata ainei ia koe te akanoo i te taime no te tatau i te Pipiria? Te maata anga ia tatou, ae. E “taporoporo marie i te tuatau.” (Ephesia 5:16) Ka akanoo koe i tetai tuatau no te tatau i te Pipiria i te au rā. Tetai pae, i te popongi maiata. Tetai pae i te tuatau kaikai avatea. Tetai pae i te aiai i mua ake ka moe ei. Eaa te tuatau meitaki noou?
KIMI OONU
Apii akapeea koe e mataora ai i taau tatau Pipiria. Akara akapeea me akapapa meitaki no taau tatau anga Pipiria.
Me reka tatou i te kai tukeke, ka apii tatou kia reka i te tatau Pipiria
4. Apii kia mataora taau tatau Pipiria
Penei kare i te mea māmā i te tatau i te Pipiria. Inara, “kia kaki tikai” tatou i te reira, mei te kaki tikai i te kai ou. E tatau ia 1 Petero 2:2, e oti uriuri i teia uianga:
-
I toou manako me tatau koe i te Pipiria i te au rā, ka riro ainei ei mea mataora naau?
Akatangi i te VITIO kia kite akapeea tetai aronga te mataora anga i te tatau i te Pipiria. E oti uriuri i te au uianga ka aru mai.
-
I roto i te vitio, eaa te manamanata ta te au mapu i akakoromaki?
-
Eaa tei tauturu ia ratou kia tatau ua atu i te Pipiria?
-
Akapeea ratou i mataora ai?
Teia te tauturu:
-
Akara i tetai urianga Pipiria māmā te reo. Tamata i te New World Translation, me te mārama meitaki ra koe i te reo Papaa.
-
Te mea mua e tatau i te tuanga te reka ra koe. Teia te tauturu, akara i te tutu “Akamata i Taau Tatau Pipiria.”
-
Tamou i taau e tatau ra. Aere ki te tutu “Akara i Taau Tatau Pipiria” i roto i teia puka.
-
Taangaanga i te JW Library®app. Ka rauka ia koe, te tatau e te akarongo i te Pipiria na runga i taau tereponi e te apinga apaipai.
-
Taangaanga i te au appendix o te New World Translation. Tei reira te au mapu, tutu, e te glossary ei akareka i taau tatau Pipiria.
5. Akapapa no taau apii Pipiria
E tatau ia Salamo 119:34, e oti uriuri i teia uianga:
-
Eaa ka pure ei i mua ake ka tatau ei i te Pipiria e te akapapa i taau apii Pipiria?
Akapeea koe e puapinga ai mei te apii? Ia koe e akapapa ra no tetai apii, tamata i teia:
-
A. Tatau i te au parakarapa mua o te apii.
-
E. Tatau i te au irava, akamanako i tona puapinga ki te apii.
-
NG. Akaira i te au tuatua ei pau i te uianga; taau ka uriuri ki toou puapii.
Kua kite ainei koe?
E tatau ana te Au Kite o Iehova i te urianga Pipiria tukeke. Inara, akaperepere tatou i te New World Translation of the Holy Scriptures e tuatua mou te reira, taka meitaki, e kua taikuia to te Atua ingoa—Akara i te Web atikara “E Pipiria Ainei ta te Au Kite o Iehova?”
KARANGA TE TANGATA: “Ākā angaanga te apii i te Pipiria, kare e taime e te maroiroi no te reira.”
-
Eaa toou manako?
APIIANGA
E puapinga ai mei te Pipiria, akanoo i te tuatau no te tatau i te reira, pure kia mārama i te reira, e te akapapa meitaki no te apii Pipiria.
Uriurianga
-
Eaa te ka tauturu ia koe kia puapingaia mei te Pipiria?
-
Aea koe e akanoo ei i te taime no te tatau e te apii i te Pipiria?
-
Eaa i puapinga ai kia akapapa no taau au apii Pipiria?
KIMI KIMI
Uriuri i te au manako ei akapuapinga i taau tatau Pipiria.
“Akapeea e Puapinga ai me Tatau i te Pipiria” (Te Punanga Tiaki Nu. 1 2017)
Apii e toru ravenga no te tatau i te Pipiria.
“Akapeea te Pipiria me Tauturu Iaku?—Tuanga 1: Akarakara ki Roto i Taau Pipiria” (Web atikara)
Akara akapeea koe e reka ai i te tatau Pipiria.
“Akapeea te Pipiria me Tauturu Iaku?—Tuanga 2: Ka Mataora Taau Tatau Pipiria” (Web atikara)
Pati tauturu mei te aronga tatau Pipiria.
Ka Reka Katoa Koe i Teia
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
