APII 15
Koai a Iesu?
Ko Iesu tetai tangata rongonui rava atu. Inara, e maata te tangata kare i kite tikai iaia, tukeke to ratou manako e koai tikai a Iesu? Eaa ta te Pipiria e karanga ra?
1. Koai a Iesu?
E vaerua ririnui a Iesu e noo ra i te rangi. Kua anga te Atua ko Iehova iaia i mua ake i te au mea ravarai. No reira, i kapikiia ai ko “te Tama mua aia o te au mea ravarai i angaia.” (Kolosa 1:15) Karanga te Pipiria ko Iesu anake te “Tamaiti anau tai” a Iehova e nana i anga ia Iesu. (Ioane 3:16) Kua angaanga kapiti a Iesu ki tona Metua, ko Iehova, te tauturu anga iaia kia anga i te au mea ravarai. (E tatau ia Maseli 8:30.) Kua mataora a Iesu i tetai pirianga vaitata kia Iehova. Kua tavini tiratiratu aia ei vaa tuatua no te Atua, koia “te Logo,” ei akakitekite i Tana au karere e te ikuiku anga.—Ioane 1:14.
2. Eaa a Iesu i aere mai ei ki te enua nei?
E 2,000 mataiti i topa ake nei, kua taangaanga a Iehova i tona vaerua tapu kia tuku i to Iesu ora mei te rangi ki roto i te vairanga tamariki o tetai paretenia mapu ko Maria. Na roto i teia tu, kua anauia mai a Iesu ei pepe. (E tatau ia Luka 1:34, 35.) Kua aere mai a Iesu ki te enua nei ei Mesia tei taputouia, ko Karaiti, ei akaora i te tangata. a Kua akatupuia te au totou Pipiria no te Mesia, i rauka ai i te tangata i te akataka ia Iesu ko “te Mesia koe, te Tamaiti a te Atua ora.”—Mataio 16:16.
3. Teiea a Iesu i teianei?
I muri ake te mate anga a Iesu ei tangata, kua akatuia mai aia ei vaerua e kua oki atu ki te rangi. I reira, “i akateitei rava atu ei te Atua iaia.” (Philipi 2:9) I teianei, e taoonga teitei to Iesu—tei raro ake ra aia ia Iehova.
KIMI OONU
Kimi maata atu koai tikai a Iesu e eaa i puapinga ai kia apii no runga iaia.
4. Kare ko Iesu te Atua Mana Katoatoa
Te apii maira te Pipiria e noatu e vaerua ririnui a Iesu i te rangi, tei raro ake ra aia i tona Atua e te Metua, ko Iehova. Eaa tatou ka karanga ai i te reira? Akatangi i te VITIO kia kite eaa ta te Pipiria e apii maira no to Iesu taoonga i te pae i te Atua mana ngateitei.
Ka riro te au irava ka aru mai ei tauturu ia tatou kia mārama i te pirianga i rotopu ia Iehova e Iesu. Tatau i te au irava, e oti uriuri i teia au uianga ka aru mai.
E tatau ia Luka 1:30-32.
-
Akapeea te angera te akataka anga i te pirianga i rotopu ia Iesu e te Atua ko Iehova, ko “Tei Teitei”?
E tatau ia Mataio 3:16, 17.
-
I to Iesu papetito anga, eaa ta te reo mei te rangi i tuatua mai?
-
I toou manako noai tera reo?
E tatau ia Ioane 14:28.
-
Koai tei pakari ake ma te taoonga teitei atu? Te metua me ko te tamaiti?
-
Eaa te aiteanga te kapiki anga a Iesu ia Iehova e ko tona Metua?
E tatau ia Ioane 12:49.
-
Kua manako ainei a Iesu e aiteite ua raua ko tona Metua? Eaa toou manako?
5. Ko Iesu Oki te Mesia
E maata te au totou i roto i te Pipiria te ka tauturu i te tangata kia kite e koai te Mesia—ta te Atua i iki ei akaora i te tangata. Akatangi i te VITIO no tetai akamataanga poto ua no tetai au totou ta Iesu i akatupu iaia i te enua nei.
Tatau i teia au totou Pipiria, e oti uriuri i teia au uianga ka aru mai:
E tatau ia Mika 5:2 kia kite i te ngai i anauia ai a Iesu. b
-
Kua akatupu ainei to Iesu anau anga i teia totou?—Mataio 2:1.
E tatau ia Salamo 34:20 e Zekaria 12:10 kia kite i te au akakiteanga tei totou i to Iesu mate anga.
-
Kua akatupuia ainei teia au totou?—Ioane 19:33-37.
-
I toou manako na Iesu ainei i akatupu i teia au totou nona uaorai?
-
Eaa ta teia e akapapu maira no Iesu?
6. Ka puapingaia tatou me apii no runga ia Iesu
Akakite te Pipiria i te puapinga me apii no runga ia Iesu e tana ka rave. E tatau ia Ioane 14:6 e 17:3, e oti uriuri i teia uianga:
-
Eaa i puapinga ai kia apii no runga ia Iesu?
Akatuera a Iesu i te mataara kia riro tatou ei oa no te Atua. Kua apii aia i te tuatua mou no runga ia Iehova, e na roto iaia, ka rauka ia tatou te ora mutu kore
KARANGA TE TANGATA: “Kare te Au Kite o Iehova e irinaki ana ia Iesu.”
-
Eaa taau pauanga?
APIIANGA
E vaerua ririnui a Iesu. E Tamaiti aia na te Atua e koia te Mesia.
Uriurianga
-
Eaa a Iesu i kapikiia ai e ko “te Tama mua aia o te au mea ravarai i angaia ra”?
-
I mua ake ka aere mai ei ki te enua, eaa ta Iesu i rave?
-
Akapeea tatou te kite anga e ko Iesu te Mesia?
KIMI KIMI
Apii maata atu i ta Iesu i rave ei Mesia.
“Akapapu Maira Ainei te Totou no te Mesia e ko Iesu te Mesia?” (Web atikara)
Akara kia kite me kua apii te Pipiria e kua riro te Atua ei metua no Iesu mei te tangata ei metua no te tamariki.
“Eaa a Iesu i Kapikiia ai e ko te Tamaiti a te Atua?” (Web atikara)
Akamanako eaa te tumu kare te Toru Tai i te apiianga Pipiria.
“Ko Iesu Ainei te Atua?” (Te Punanga Tiaki, Aperira 1, 2009)
Tatau akapeea tetai vaine te taui anga i tona oraanga te kimikimi anga aia i ta te Pipiria e karanga ra no Iesu.
a Apii 26 e te 27, ka uriuri teia eaa i anoanoia ai te tangata kia akaoraia e akapeea a Iesu me akaora ia tatou.
b Akara i te Au Manako Poto 2 no tetai totou tei akakite aea tikai a Iesu e mama mai ei ki te enua nei.
Ka Reka Katoa Koe i Teia
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
