APII 19
E au Kerititiano Mou Tikai Ainei te Au Kite o Iehova?
Ei Au Kite no Iehova, irinaki matou e au Kerititiano mou tikai matou. Eaa te tumu? Akamanako ana i ta matou au irinakianga, te ingoa tei akataka ia matou, e to matou aroa i tetai e tetai.
1. Akanoo te Au Kite o Iehova i ta ratou irinakianga ki runga i teaa?
Karanga a Iesu: “Ko te tuatua [a te Atua] te tuatua-mou.” (Ioane 17:17) Mei ia Iesu rai, e akanoo ana te Au Kite o Iehova i ta ratou irinakianga ki runga i te Tuatua a te Atua. Akamanako ana i ta matou i rave i teia tuatau. I te openga o te 19 anere mataiti, kua akara matatio tetai aronga apii i te Pipiria. Kua akanoo ratou i ta ratou irinakianga ki runga i ta te Pipiria i karanga, noatu e tuke te reira mei te au apiianga a te au akonoanga. E oti, kua akamata ratou i te akakite i te reira au tuatua mou Pipiria ki tetai ke. a
2. Eaa matou i kapiki ei ia matou e ko te Au Kite o Iehova?
Kapiki a Iehova i tona aronga akamori, e ko tona au kite no te mea te akakitekite ra ratou i te tuatua mou no runga iaia. (Ebera 11:4–12:1) Ei akaraanga, i te au tuatau taito, akakite te Atua ki tona iti tangata: “Ko kotou toku kite.” (E tatau ia Isaia 43:10.) Kapikiia a Iesu ko “te Kite Tuatua-Mou ra.” (Apokalupo 1:5) No reira, i te 1931 kua iki matou i te ingoa, ko te Au Kite o Iehova. Ngakau parau matou i te apai i teia ingoa.
3. Akapeea te Au Kite o Iehova te aru anga i to Iesu aroa?
Akaperepere a Iesu i tana au pipi e e kopu tangata ratou nona. (E tatau ia Mareko 3:35.) Pera katoa, e ngutuare taokotaiia te Au Kite o Iehova i te ao katoa. No reira matou i kapiki ei i tetai e tetai e taeake e te tuaine. (Philemona 1, 2) Akarongo katoa matou i te akaue anga: “E aroa atu i te au taeake.” (1 Petero 2:17) Te akaari ra te Au Kite o Iehova i teia aroa na te tauturu anga i to tatou au taeake e te au tuaine i te ao katoa.
KIMI OONU
Akara kia kite maata atu i te Au Kite o Iehova e e au Kerititiano mou tikai matou.
4. Akanoo matou i ta matou irinakianga ki runga i te Pipiria
Totou a Iehova e ka akakiteia te tuatua mou Pipiria. E tatau ia Daniela 12:4, e oti uriuri i teia uianga:
-
Eaa te ka tupu ki te “maata anga” mei te iti tangata o te Atua, ia ratou e akara matatio ra i te Pipiria?
Akara akapeea tetai aronga apii Pipiria, kapiti mai a Charles Russell, te apii anga i te Tuatua a te Atua. Akatangi i te VITIO, e oti uriuri i te uianga ka aru mai.
-
I roto i teia vitio, akapeea a Charles Russell e tona au taeake apii Pipiria te apiianga i te Pipiria?
Kua kite ainei koe?
I tetai au taime, kua akatanotano matou i tetai o ta matou irinakianga. Eaa te tumu? Mei te iti anga o te rā tei akaari marie mai i te mārama o te enua, kua oronga ua mai rai te Atua i te mārama no tana Tuatua. (E tatau ia Maseli 4:18.) Noatu kare te Pipiria e taui ana, ka akatanotano matou i ta matou irinakianga me rauka mai te mārama.
5. Ka taangaanga matou i te aiteanga i to matou ingoa
Eaa matou i apai ei i te ingoa, ko te Au Kite o Iehova? Akatangi i te VITIO, e oti uriuri i te uianga ka aru mai.
-
Eaa i tau ei te ingoa, ko te Au Kite o Iehova?
Eaa a Iehova i iki ei i te tangata ei au kite nona? No te mea ka akataka ratou iaia e ko te Atua mou, mei te mea e maata te pikikaa tei akakiteia no runga iaia. Akamanako ana e rua pikikaa.
Apii tetai au akonoanga e te anoano maira te Atua kia taangaanga ratou i te au itoro akatikitikiia ki roto i ta ratou akamorianga. Inara, e tatau ia Levitiku 26:1, e oti uriuri i teia au uianga:
-
Eaa te tuatua mou? Eaa to Iehova manako no te au itoro?
Apii tetai au arataki akonoanga e ko Iesu te Atua. Inara, e tatau ia Ioane 20:17, e oti uriuri i teia au uianga:
-
Eaa te tuatua mou? Kua aiteite ainei te Atua e Iesu?
-
Eaa toou manako me kua tono te Atua i tona Au Kite kia tutu aere i te tuatua mou no runga iaia e tana Tamaiti?
6. Akaperepere matou i tetai e tetai
Akaaite te Pipiria i te au Kerititiano ki te au tuanga tukeke o te kopapa tangata. E tatau ia 1 Korinetia 12:25, 26, e oti uriuri i teia au uianga:
-
Eaa ta te au Kerititiano mou ka rave me mamae tetai pae o te au Kerititiano?
-
Eaa taau i kite no te aroa i rotopu i te Au Kite o Iehova?
Me mamae te Au Kite o Iehova i tetai enua ke, ka viviki te au taeake Au Kite i te ao katoa i te tauturu viviki atu ia ratou. Ei akaraanga, akatangi i te VITIO. E oti uriuri i te uianga ka aru mai.
-
Akapeea te au tauturu a te Au Kite o Iehova te akapapu anga i to ratou aroa?
KARANGA TE TANGATA: “E akonoanga ou ua te Au Kite o Iehova.”
-
Mei naea mai a Iehova te kapiki anga i tona aronga akamori ei au kite nona?
APIIANGA
E au Kerititiano mou tikai te Au Kite o Iehova. E ngutuare tangata matou i te ao katoa tei akamori e tei akanoo i ta matou irinakianga ki runga i te Pipiria e te akakitekite ra i te tuatua mou no Iehova.
Uriurianga
-
Eaa matou i apai ei i te ingoa, ko te Au Kite o Iehova?
-
Akapeea matou me akono i tetai e tetai?
-
I toou manako e au Kerititiano mou tikai ainei te Au Kite o Iehova?
KIMI KIMI
Apii maata atu kia kite no runga ia matou.
Au Kite o Iehova—Akarongo ma te Angaanga, Tuanga 1: Mei Roto i te Poiri (1:00:53)
Akara akapeea te Au Kite o Iehova me akakite i te apiianga tarevake a te au akonoanga pikikaa.
E kimi i te au pauanga taau ka inangaro i te kite no runga i te Au Kite o Iehova.
“Au Uianga a te Tangata no Runga i te Au Kite O Iehova” (web kapi)
Piri a Stephen ki roto i te au angaanga takinokino. Akara eaa tana i kite i rotopu i te Au Kite o Iehova tei akakeu iaia kia taui.
“Te Kino Ua Atura Toku Oraanga” (Te Punanga Tiaki, Tepetema 1, 2015)
a Te Punanga Tiaki, ta matou makatini puapinga teia mei te 1879 mai, tei tata putuputu i te tuatua mou Pipiria.