APII 20
Akapeea te Putuputuanga me Akaaereia
E Atua mako tikai a Iehova. (1 Korinetia 14:33) No reira ka anoano katoaia tona iti tangata kia mako. Akapeea te putuputuanga Kerititiano te akaaereia anga? Eaa ta tatou ka rave kia puapingaia te reira?
1. Koai te upoko o te putuputuanga?
Ko “te Mesia katoa ra te upoko ïa i te ekalesia.” (Ephesia 5:23) Te arataki ra aia i te iti tangata o Iehova i te ao katoa, mei te rangi mai. Kua iki a Iesu i “te tavini akono meitaki e te pakari”—e pupu aronga pakari meangiti ua e te tukatau tei kapikiia ko te Pupu Akaaere. (E tatau ia Mataio 24:45-47.) Mei te au apotetoro e te aronga pakari i Ierusalema i te anere mataiti mua, ka arataki te Pupu Akaaere i te putuputuanga i te ao katoa. (Angaanga 15:2) Inara kare ko teia au taeake, te au arataki o te akaaereanga. Ka aru ratou i ta Iehova arataki anga e tana Tuatua, e ka kauraro ratou kia Iesu ei upoko.
2. Eaa te tuanga angaanga a te aronga pakari?
E au Kerititiano tukatau te aronga pakari, tei apii i te au Tuatua Tapu e te tiaki i to Iehova iti tangata na te tauturu anga e te akamaroiroi anga ia ratou. Kare ratou e tutakiia ana no ta ratou angaanga. Mari ra, te tavini ra ratou “no te anoano ra [i te Atua]; auraka no te apinga tika kore ra kia rauka, no te tae tikai ra o te ngakau.” (1 Petero 5:1, 2) Ka turuturu te au tavini tauturu i te aronga pakari, e i muri mai penei ka rauka ia ratou te tavini ei aronga pakari.
Na te Pupu Akaaere e akanoo ana i te aronga pakari ei au akaaere kotinga. Ka atoro ratou i te au putuputuanga tukeke no te arataki e te akamaroiroi ia ratou. Ka akanoo ratou i te aronga pakari e te au tavini tauturu, kia tau ki te au aratakianga a te Tuatua Tapu.—1 Timoteo 3:1-10, 12; Tito 1:5-9.
3. Eaa te tuanga angaanga a te Au Kite o Iehova?
Ka “akameitaki [te au putuputuanga katoatoa] i te ingoa o Iehova” na te piri anga ki roto i te au uipaanga e te tutu aere tei tau ki to ratou turanga.—E tatau ia Salamo 148:12, 13.
KIMI OONU
Apii kia kite i to Iesu tu ei arataki, akapeea te aronga pakari me aru i tona akaraanga, e akapeea tatou me akarongo kia Iesu e te aronga pakari.
4. E arataki takinga meitaki a Iesu
Oronga mai a Iesu i tetai patianga manea kia tatou. E tatau ia Mataio 11:28-30, e oti uriuri i teia uianga:
-
Eaa ta Iesu e inangaro maira kia akamanako tatou i tana aratakianga?
Akapeea te aronga pakari me aru i to Iesu akaraanga? Akatangi i te VITIO.
Apii meitaki mai te Pipiria akapeea te aronga pakari me rave i ta ratou angaanga.
E tatau ia Isaia 32:2 e 1 Petero 5:1-3, e oti uriuri i teia au uianga:
-
Mei ia Iesu rai, eaa toou manako me kite koe e te akono meitaki ra te aronga pakari i tetai ke?
-
Eaa tetai au ravenga ke e aru ana te aronga pakari i to Iesu tu?
5. Apii te aronga pakari ma te akaraanga meitaki
Eaa a Iesu i anoano ei i te aronga pakari kia akamanako i ta ratou e rave ra? Akatangi i te VITIO.
Kua akanoo a Iesu i te akaraanga no te aronga pakari kia arataki i te putuputuanga. E tatau ia Mataio 23:8-12, e oti uriuri i teia uianga:
-
Eaa taau i umere no te akaraanga o te aronga pakari i roto i te Pipiria, e eaa taau i kite mei te au arataki akonoanga?
-
A. Akono te aronga pakari ia ratou uaorai e to ratou pamiri kia maroiroi i te pae vaerua
-
E. Akono te aronga pakari i te katoatoa i roto i te putuputuanga
-
NG. Tutu aere putuputu te aronga pakari
-
I. E puapii te aronga pakari. Tauturu ratou i te angaanga tāmā e te vai atura
6. Ka taokotai tatou ki te aronga pakari
Oronga mai te Pipiria i te tumu puapinga kia taokotai tatou ki te aronga pakari. E tatau ia Ebera 13:17, e oti uriuri i teia au uianga:
-
E tau ainei e te akamaroiroi maira te Pipiria ia tatou kia akarongo e kia kauraro ki te au arataki? Eaa ra, e eaa ka kore ei?
E tatau ia Luka 16:10, e oti uriuri i teia uianga:
-
Eaa i puapinga ai kia taokotai ki te aronga pakari noatu e au mea rikiriki ua te reira?
KARANGA TE TANGATA: “Kare koe e anoanoia kia piri ki roto i tetai akonoanga tei akaaereia.”
-
Eaa te au puapinga ka tupu me piri tetai tangata ki te putuputuanga no te akamori i te Atua?
APIIANGA
Ko Iesu te upoko o te putuputuanga. Ka mataora ua tatou i te taokotai ki te aronga pakari te tavini ra i raro ake i tana akatere anga no te mea e akaraanga meitaki to ratou e te takinga meitaki.
Uriurianga
-
Koai te upoko o te putuputuanga?
-
Akapeea te aronga pakari me tauturu i te putuputuanga?
-
Eaa te tuanga angaanga a tetai tei akamori ia Iehova?
KIMI KIMI
Akara eaa ta te Pupu Akaaere e te aronga pakari e manata nei no te au Kerititiano i teia tuatau.
Apii kia kite i te angaanga a te au akaaere kotinga.
Apii kia kite i te angaanga a te au vaine i roto i te putu-putuanga.
Akara akapeea te aronga pakari me akamaroiroi i te au taeake.