APII 26
Eaa te Kino e te Mamae i Tupu Ei?
“Eaa ra?” e uianga natura teia tei uiia e te tangata, me tupu te tumatetenga. Mataora tatou i te kite, e ka pau meitaki te Pipiria i teia uianga!
1. Akapeea a Satani te akatupu anga i te kino i te ao nei?
Kua patoi te Tiaporo ko Satani i te Atua. Kua inangaro a Satani i te tutara i te tangata, no reira kua akakeu aia i te nga tangata mua, ko Adamu e Eva, kia piri ki roto i tana patoi anga. Kua pikikaa a Satani ia Eva. (Genese 3:1-5) Kua akakite aia e kua tarevake a Iehova i te tapupu i te meitaki mei ia Eva. Akakite aia e ka mataora atu te tangata me kare ratou e akarongo ki te Atua. Kua akakite a Satani i te pikikaa mua na te karanga anga kia Eva e kare rava aia e mate. No reira, kua kapiki te Pipiria ia Satani e “e pikikaa aia, e e metua oki no te pikikaa.”—Ioane 8:44.
2. Eaa ta Adamu e Eva i rave?
Kua akono meitaki a Iehova ia Adamu e Eva. Akakite aia e e kai raua i te au rakau i te aua o Edene mari ua, okotai. (Genese 2:15-17) Inara kua kai raua i taua ua rakau. “Kua rave iora [a Eva] i te kai no rungao ra, kai iora.” I muri mai, “kua kai katoa iora oki” a Adamu. (Genese 3:6) Kua akarongo kore raua ki te Atua. No te mea e nga tangata apa kore a Adamu e Eva, e mea natura ua kia rave raua i te meitaki. No tei akakoro raua kia akarongo kore ki te Atua, kua ara raua e kua patoi i tana tutara. Tupu atura te mamae maata.—Genese 3:16-19.
3. Eaa ta Adamu e Eva i akatupu kia tatou?
Te ara anga a Adamu e Eva, kua iri mai ta raua ara ki runga i ta raua uanga. Karanga te Pipiria no Adamu e: “No te tangata okotai ra i o mai ei te kino i te ao nei, e no te kino oki te mate; e kua taea katoatoa oki te tangata ravarai e te mate.”—Roma 5:12.
Te mamae nei rai tatou. I tetai taime, no ta tatou iki anga kino, ka mamae tatou. E no te iki anga kino a tetai pae, ka mamae rai tatou. E tuatau kitea koreia to te tangata katoa ra aerenga, ka mamae rai tatou.—E tatau ia Koheleta 9:11.
KIMI OONU
Akamanako e kare no te Atua te apa i kino ei e i mamae ei te ao nei i teia tuatau, e te akaaroa maira aia i to tatou mamae.
4. Noai te apa i mamae ei tatou
Irinaki te maata anga o te tangata e na te Atua e akatere ana i teianei ao. E tika ainei teia? Akatangi i te VITIO.
E tatau ia Iakobo 1:13 e 1 Ioane 5:19, e oti uriuri i teia uianga:
-
No te Atua ainei te apa i tupu ei te mamae e te kino?
5. Akamanako i tei tupu ki ta Satani tutara
E tatau ia Genese 3:1-6, e oti uriuri i teia au uianga:
-
Eaa ta Satani i pikikaa?—Akara i te irava 4 e te 5.
-
Akapeea a Satani te pikikaa anga e te tapupu ra a Iehova i te meitaki mei te tangata?
-
Karanga a Satani, ka anoano ainei te tangata ia Iehova ei Tutara e mataora ai ratou?
E tatau ia Koheleta 8:9, e oti uriuri i teia uianga:
-
No te mea kare ko Iehova te Tutara o teianei ao, eaa tei tupu?
-
A. I Parataito e tu apa kore to Adamu e Eva. Inara kua akarongo raua kia Satani e kua patoi ia Iehova.
-
E. I muri ake i te patoi anga kua ki te ao nei i te ara, te mamae, e te mate
-
NG. Ka takore a Iehova i te ara, te mamae e te mate. Ka apa kore akaou te tangata e ka noo ki roto i te Parataito
6. Akaaroa maira a Iehova i to tatou mamae
Te manako maira ainei te Atua i to tatou mamae? Akamanako ana i tei tataia e te Ariki ko Davida e te apotetoro ko Petero. E tatau ia Salamo 31:7 e 1 Petero 5:7, e oti uriuri i teia uianga:
-
Eaa toou manako e te akaaroa maira a Iehova i to tatou mamae?
7. Ka takore te Atua i te mamae o te tangata
E tatau ia Isaia 65:17 e Apokalupo 21:3, 4, e oti uriuri i teia uianga:
-
Eaa tatou ka pumaana ai e ka takore a Iehova i te au mea kino pouroa ta te tangata i na roto ana?
Kua kite ainei koe?
Te pikikaa mua anga a Satani, kua akakino aia ia Iehova. Kua akakino aia i tona ingoa meitaki ei Tutara tau e te aroa. Me takore a Iehova i te au mamae o te tangata a te tuatau ki mua, ka akakakā aia iaia uaorai. Ka akapapu aia e nana te tutara meitaki rava atu. Me akakakā a Iehova i tona ingoa, e apinga puapinga tikai teia i roto i teianei ao e pini ua ake.—Mataio 6:9, 10.
KARANGA TE TANGATA: “E akakoroanga no te Atua kia mamae tatou.”
-
Eaa taau pauanga?
APIIANGA
No te Tiaporo ko Satani e te nga tangata mua, te apa i tupu ei te kino i teianei ao. Te akaaroa maira a Iehova i to tatou mamae, kare e roa ka takore aia i te reira.
Uriurianga
-
Eaa ta te Tiaporo ko Satani i pikikaa kia Eva?
-
Eaa tei tupu kia tatou no tei patoi a Adamu e Eva?
-
Akapeea tatou e kite ei e te tangi aroa maira a Iehova i to tatou mamae?
KIMI KIMI
Apii kia kite i te aiteanga o te ara mei te Pipiria.
Tatau kia kite maata atu i te maro anga ta te Tiaporo ko Satani i taiku i te kainga i Edene.
“Eaa te Tumu i Akatika ai te Atua i te Turanga Taitaia?” (Te Punanga Tiaki, Tianuare 1, 2014)
Akara matatio i te au pauanga ki tetai uianga ngata.
“Eaa i Tupu ei te Holocaust? Eaa ra te Atua Kare i Tāpu i te Reira?” (Web atikara)
Akara eaa ta tetai tangata i apii mai mei te mamae o te tangata.
Ka Reka Katoa Koe i Teia
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
