APII 36
Rave i te Tika i te au Mea Katoa
Mareka pouroa tatou i te tu tika o te au oa. Te tapapa maira a Iehova i te tu tika mei tona au oa. Kare ra i te mea māmā ua i te rave i roto i teianei ao tika kore. Eaa te au puapinga me raveia te tika i te au mea katoa?
1. Eaa te tumu puapinga rava atu kia rave i te tika?
Me e tu tika to tatou, te akaperepere ra e te akangateitei ra tatou ia Iehova. Akamanako: Kua kite a Iehova i ta tatou e manako ra e e rave ra. (Ebera 4:13) Kua kite aia me rave tatou i te tika, e te mareka ra aia i te reira. Akakite tana Tuatua: “E mea viivii oki na Iehova te aronga māro ra, tei te aronga tuatua-tika ra tana muna.”—Maseli 3:32.
2. Eaa tetai au atianga i te oraanga kia rave i te tika?
Inangaro a Iehova “ei tuatua-mou ta te tangata katoa e tuatua ki tona tangata tupu.” (Zekaria 8:16, 17) Eaa te aiteanga? Me tuatua tatou ki te ngutuare tangata, te au oa angaanga, te au taeake e te au tuaine Kerititiano, e te au opita kavamani, kare tatou e pikikaa e kare e oronga i te akakiteanga pikikaa. Kare te au tangata tu tika e keia mei tetai ke e kare e pikikaa ia ratou. (E tatau ia Maseli 24:28 e Ephesia 4:28.) E ka tutaki ratou i te tero. (Roma 13:5-7) Noatu eaa te tu, ka ‘akono meitaki tatou i te au mea katoa’ ma te tika.—Ebera 13:18.
3. Eaa te au puapinga kia rave i te tika?
Me rave tatou i te tika, ka irinaki te tangata ia tatou. Ka puapingaia te putuputuanga. Ka meitaki te akava ngakau. Ka riro to tatou tu tika “kia manea te tuatua a te Atua a to tatou Ora ra” e ka akakeu i te tangata kia aere mai ki te putuputuanga o te akamorianga mou.—Tito 2:10.
KIMI OONU
Akara akapeea te tu tika i te akakeu anga ia Iehova e koe, e te apiianga akapeea me rave i te tika i roto i toou oraanga.
4. Akamareka te tu tika ia Iehova
E tatau ia Salamo 44:21 e Malaki 3:16, e oti uriuri i teia au uianga:
-
Eaa i toou manako e mea tau kore kia uuna i te tika?
-
Eaa to Iehova manako me akakite tatou i te tika, noatu te ngata?
Me akakite te tamariki i te tika, ka rekareka to ratou metua. Me akakite tatou i te tika, ka rekareka a Iehova
5. E rave ua i te tika
E maata tei karanga e ngata i te rave i te tika. Akara i te tumu ka rave ua tatou i te tika. Akatangi i te VITIO.
E tatau ia Ebera 13:18, e oti uriuri akapeea me rave i te tika . . .
-
i roto i te ngutuare tangata.
-
i te ngai angaanga e te apii.
-
i tetai au turanga ke.
6. Puapingaia tatou me rave i te tika
Penei ka tupu te manamanata me rave i te tika. Inara, e meitaki tikai te reira. E tatau ia Salamo 34:12-16, e oti uriuri i teia uianga:
-
Akapeea toou oraanga e meitaki atu ei me rave i te tika?
-
A. Ka meitaki te oraanga akaipoipo o te au tane e te au vaine tei rave i te tika
-
E. Ka irinaki te pu angaanga i te aronga angaanga tei rave i te tika
-
NG. Mareka te au opita kavamani i te au tangata tei rave i te tika
KARANGA TE TANGATA: “E au pikikaa rikiriki ua tena, kare e kino ana.”
-
Eaa koe i irinaki ei e te rikarika ra a Iehova i te pikikaa?
APIIANGA
Inangaro a Iehova i tona au oa kia rave i te tika me tuatua e me angaanga.
Uriurianga
-
Eaa tetai au mataara kia rave i te tika?
-
Eaa i tau kore ei kia uuna i te tika?
-
Eaa koe i inangaro ei kia rave ua i te tika?
KIMI KIMI
Akapeea te au metua me apii i ta ratou tamariki kia rave i te tika?
Eaa te au puapinga kia akono tatou i te au taputou?
Akara me ka tutaki tatou i te tero noatu me ka taangaanga tau koreia te reira.
“Ka Tutaki Ainei i te Tero?” (Te Punanga Tiaki, Tepetema 1, 2011)
Eaa tei akakeu i te tangata tika kore kia taui i tona oraanga e kia rave i te tika?
“Apii Mai Au e e Atua Akaaroa a Iehova e te Akakore i te Ara” (Te Punanga Tiaki, Me 1, 2015)
Ka Reka Katoa Koe i Teia
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
