APII 49
Akapeea te Ngutuare Tangata e Mataora Ai?—Tuanga 1
Manakonako te tane e te vaine akaipoipo ou e ka vai mataora ua raua e tuatau ua atu. Ka rauka rai. Kua kite te au tokorua Kerititiano tei roa i te akaipoipo, i te tikaanga o teia e tei taangaanga i te au kaveinga Pipiria.
1. Eaa te akoanga Pipiria ki te au tane?
Kua iki a Iehova i te au tane ei upoko no te ngutuare. (E tatau ia Ephesia 5:23.) Inangaro a Iehova i te au tane kia iki i te au ikianga puapinga no tona ngutuare. Karanga ra te Pipiria ki te au tane: “E te au tane ra, e aroa atu kotou i ta kotou au vaine.” (Ephesia 5:25) Eaa te aiteanga o teia? Ka akaperepere te tane i tana vaine, i te kainga e te ngai tangata. Ka paruru iaia mei te kino e ka akono iaia i te pae kopapa e te manako ngakau. (1 Timoteo 5:8) Te mea maata, ka akono aia i tona anoano i te pae vaerua. (Mataio 4:4) Ei akaraanga, ka pure e ka tatau kapiti raua ko tana vaine i te Pipiria. Me akaperepere tetai tane i tana vaine, te akono ra aia i tona pirianga oa kia Iehova.—E tatau ia 1 Petero 3:7.
2. Eaa te akoanga Pipiria ki te au vaine?
Karanga ra te Tuatua a te Atua ki te au vaine kia “kauraro aia i tana tane.” (Ephesia 5:33) Akapeea aia me rave i teia? Ka akamanako aia i te au tu meitaki o tana tane e tona maroiroi i te akono iaia e ta raua tamariki. Ka kauraro aia na te āriki anga i tana ikianga e te tuatua maru kiaia e nona katoa, noatu me kare aia i roto i te tuatua mou.
3. Akapeea te nga tokorua me akamatutu i to raua oraanga akaipoipo?
Karanga te Pipiria no te nga tokorua akaipoipo: “E ka riro oki raua ei kopapa okotai.” (Mataio 19:5) Tera te aiteanga ka tauta pakari raua kia kore e akatakake mei tetai e tetai. Ka rave raua i teia na te akapou kapiti anga i te tuatau e te tuatua ua i to raua manako, ta raua i mareka e kare i mareka na roto i te aroa. Kare raua e tuku i tetai apinga me kore i tetai ua atu—mari ua ko Iehova anake—kia puapinga maata atu i tona tokorua. Ka matakite raua eiaa e akatupu i tetai pirianga tau kore ki tetai ke.
KIMI OONU
Akara i te au kaveinga Pipiria te ka akamatutu i toou oraanga akaipoipo.
4. Te au tane—e aroa e te akono meitaki i taau vaine
Karanga te Pipiria e “e aroa katoa te au tane i ta ratou uaorai au vaine e tikaʼi, mei to ratou uaorai kopapa.” (Ephesia 5:28, 29) Eaa te aiteanga o teia? Akatangi i te VITIO, e oti uriuri i te uianga ka aru mai.
-
Eaa ta te tane ka rave kia akaperepere e kia akono i tana vaine?
E tatau ia Kolosa 3:12, e oti uriuri i teia uianga:
-
Akapeea te tane me akaari i teia tu i roto i tona oraanga akaipoipo?
5. Te au vaine—e aroa e te akangateitei i taau tane
Akamaroiroi maira te Pipiria i te vaine kia akangateitei i tana tane noatu me te tavini ra aia ia Iehova e me kare. E tatau ia 1 Petero 3:1, 2, e oti uriuri i teia au uianga:
-
Me kare taau tane i roto i te tuatua mou, kare e ekoko anga te inangaro ra koe iaia kia akamori ia Iehova. Eaa toou manako te mea puapinga—ka tutu aere putuputu kiaia me ka akono meitaki e te akangateitei iaia? Eaa ra?
Ka rave kapiti te au tane e te au vaine i te ikianga meitaki. Inara, i tetai taime kare te vaine 1 Petero 3:3-5, e oti uriuri i teia uianga:
e āriki i te manako o tana tane. Ka tuatua aia i tona manako na roto i te tu maru e te ngateitei, inara kia āriki katoa aia e kua oronga a Iehova i te apainga ki te tane kia iki i te meitaki no tona ngutuare tangata. Ka aruaru aia i te turuturu i te ikianga a tona tokorua. Me pera aia ka tupu te mataora i roto i te ngutuare. E tatau ia-
Eaa to Iehova manako me akangateitei te vaine i tana tane?
6. Ka rauka ia koe te autu i te manamanata i roto i toou oraanga akaipoipo
Ka tupu te kino i roto i te oraanga akaipoipo. No reira, ka tauta kapiti te nga tokorua kia autu i te manamanata. Akatangi i te VITIO, e oti uriuri i teia au uianga ka aru mai.
-
I roto i te vitio, eaa te au akairo e kare nga tokorua e piri vaitata ana?
-
Eaa ta raua i rave no te akamatutu i to raua akaipoipo?
E tatau ia 1 Korinetia 10:24 e Kolosa 3:13. Muri ake i te tatau anga i te irava, uriuri i teia uianga:
-
Akapeea te taangaanga anga i teia akoanga me akamatutu i te oraanga akaipoipo?
Karanga te Pipiria kia akangateitei tatou i tetai e tetai. Ka akaari tatou i te tu takinga meitaki e te ngateitei ki tetai. E tatau ia Roma 12:10, e oti uriuri i teia au uianga:
-
Ka tapapa ainei te au tane me kore te au vaine kia akangateitei mai te tokorua iaia na mua? Eaa ra, e eaa ka kore ei?
KARANGA TE TANGATA: “Kare maua ko toku tokorua e piri vaitata ana mei to mua ana.”
-
Akapeea koe me akamārama e ka tauturu te Pipiria ia raua?
APIIANGA
Ka mataora te tane e te vaine me akaperepere raua i tetai e tetai, akangateitei ia raua, e te taangaanga i te au kaveinga Pipiria.
Uriurianga
-
Akapeea tetai tane me akariro i tona oraanga akaipoipo kia mataora?
-
Akapeea tetai vaine me akariro i tona oraanga akaipoipo kia mataora?
-
Me kua akaipoipo koe, ko teea kaveinga Pipiria te ka akamatutu i toou oraanga akaipoipo?
KIMI KIMI
Apii i te au akaraanga te ka tauturu i toou ngutuare tangata kia mataora.
Akara i te vitio imene te akaari maira i te au akameitakianga me taangaangaia ta te Atua akoanga i roto i toou oraanga akaipoipo.
Akara meitaki eaa te aiteanga kia kauraro i te taoonga upoko o te tane.
“Te au Vaine, Eaa ka Kauraro ei ki te Taoonga Upoko?” (Te Punanga Tiaki, Me 15, 2010)
Akara mei teaa te ririnui i te akoanga Pipiria no te oraanga akaipoipo.