APII 55
E Tauturu i Taau Putuputuanga
Takapini i teianei ao, e mirioni ua atu tangata i roto i te tauatini ua atu putuputuanga te akamori ra ia Iehova ma te mataora. Mareka ratou i te akoanga e te aratakianga, e te inangaro ra ratou i te tauturu i te putuputuanga. Ko toou manako ainei tera no taau putuputuanga?
1. Eaa te au ravenga ka taangaanga koe i toou taime e te maroiroi no te tauturu i te putuputuanga?
Ka rauka ia tatou katoatoa i te tauturu i te putuputuanga. Ei akaraanga, e aronga pakarikari e te makimaki ainei tetai i roto i taau putuputuanga? Ka rauka ainei ia koe te apai ia ratou ki te uipaanga? Ka rauka ainei ia koe te oko mai i ta ratou kai me kore te tāmā i to ratou ngutuare? (E tatau ia Iakobo 1:27.) Ka rauka katoa ia tatou i te tāmā e te akono i te Are Uipaanga Patireia. Kare tetai e mārō ia tatou kia rave i teia. Na te aroa i te Atua e te au taeake e akakeu ia tatou kia “puareinga” ua i te tauturu atu.—Salamo 110:3.
Ka rauka i te Au Kite papetitoia te tauturu i te putuputuanga na roto i te au mataara tukeke. Ka rauka i te au taeake tau i te pae vaerua i te tavini ei au tavini tauturu, e oti ei aronga pakari. Ka rauka i te au taeake e te au tuaine i te rave maroiroi i te angaanga tutu aere ei au painia. Ka rauka i tetai Au Kite te tauturu i te akatu i te au ngai akamorianga me kore te neke ki tetai ngai te anoano ra te putuputuanga i te tauturu.
2. Akapeea tatou me taangaanga i ta tatou apinga materia no te tauturu i te putuputuanga?
Ka rauka ia tatou te “akangateitei atu ia Iehova i [ta tatou] ra au apinga.” (Maseli 3:9) E tikaanga ngateitei kia oronga ua i ta tatou moni e tetai atu au apinga no te tauturu i te putuputuanga i toou ngai e te angaanga tutu aere i te ao katoa. (E tatau ia 2 Korinetia 9:7.) Te turu katoa ra ta tatou moni tauturu i te aronga tei rokoia e te tumatetenga natura. E manganui tei ‘vaio ua i tetai papaki moni’ ei tauturu atu. (E tatau ia 1 Korinetia 16:2.) E tuku atu ki roto i te au pia tauturu i te au ngai akamorianga e na roto i te donate.pr418.com. E oronga mai ana a Iehova i te tuatau kia aroa tatou iaia na te taangaanga anga i ta tatou au apinga materia.
KIMI OONU
Akamanako i tetai au mataara ka rauka ia koe te tauturu i te putuputuanga.
3. Taangaanga i ta tatou apinga materia
Akaperepere a Iehova e Iesu i te aronga tei oronga ua. Ei akaraanga, kua akameitaki a Iesu i tetai vaine takaua no tana moni tauturu. E tatau ia Luka 21:1-4, e oti uriuri i teia au uianga:
-
Ka oronga ainei tatou i te moni maata kia Iehova?
-
Eaa to Iehova e to Iesu manako no ta tatou moni tauturu?
Kia kite akapeea ta tatou moni tauturu me taangaangaia, akatangi i te VITIO. E oti uriuri i te uianga ka aru mai.
-
Akapeea te au moni tauturu me taangaangaia kia puapinga te putuputuanga i te ao katoa?
4. Ka rauka ia tatou te tauturu atu
I te au tuatau Pipiria, kua angaanga maroiroi te aronga akamori ia Iehova i te akono i to ratou ngai akamorianga. Inara e maata atu tei o mai i te pae o te moni tauturu. E tatau ia 2 Paraleipomeno 34:9-11, e oti uriuri i teia uianga:
-
Akapeea te au Iseraela tataki tai te tauturu anga i te akono i te are o Iehova, me kore ngai akamorianga?
Kia kite akapeea te Au Kite o Iehova te aru anga i te reira akaraanga i taito, akatangi i te VITIO. E oti uriuri i te au uianga ka aru mai.
-
Eaa i puapinga ai kia mā to tatou Are Uipaanga Patireia e kia ripea meitakiia?
-
Eaa tetai au mataara ka rauka ia koe te tauturu?
5. Ka rauka i te au taeake i te itae atu i tetai au apainga
Te akamaroiroi ra te au Tuatua Tapu i te au tane Kerititiano kia itae atu kia tauturu i te putuputuanga. Ei akaraanga, akatangi i te VITIO. E oti pau i te uianga ka aru mai.
-
I roto i te vitio, akapeea a Ryan te itae anga kia tauturu maata atu i te putuputuanga?
Te akakite ra te Pipiria akapeea te au taeake e papa ai kia tavini ei au tavini tauturu e te aronga pakari. E tatau ia 1 Timoteo 3:1-13, e oti uriuri i teia au uianga:
KARANGA TE TANGATA: “Noea mai te moni a te Au Kite o Iehova ei turu i ta ratou angaanga?”
-
Eaa taau pauanga?
APIIANGA
Akaperepere maata a Iehova me tauturu tatou i te putuputuanga na roto i to tatou taime, te maroiroi, e te au apinga materia.
Uriurianga
-
Akapeea tatou me taangaanga i to tatou taime e te maroiroi no te tauturu i te putuputuanga?
-
Akapeea tatou me taangaanga i ta tatou au apinga materia no te tauturu i te putuputuanga?
-
Eaa te au mataara ka inangaro koe i te tauturu i te putuputuanga?
KIMI KIMI
Akamanako eaa te Atua kare e anoano akaou i te aronga tei akamori iaia kia oronga i te tuanga ngauru.
“Eaa ta te Pipiria e Karanga ra no te Tuanga Akangauru?” (Web atikara)
Kua akanoo te Pipiria i tetai au tuanga angaanga na te au tane tei papetitoia. Inara, akapeea me na tetai vaine tei papetitioia e akono i teia au tuanga angaanga?
Te Taoonga Upoko i Roto i te Putuputuanga” (Te Punanga Tiaki, Peperuare 2021)
Aravei i tetai o te Au Kite ngakau toa tei apai i te au puka na te au taeake akamori.
Akara akapeea ta tatou angaanga tei turuturuia i te pae o te moni i tuke ei ki ta tetai au akonoanga.
“Akapeea te Angaanga a te Au Kite o Iehova me Turuturuia i te Pae o te Moni?” (Web atikara)
Ka Reka Katoa Koe i Teia
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
