APII 57
Akapeea me Rave Koe i te Ara Kino?
Noatu taau akaperepere ia Iehova e kare koe e inangaro i te tamamae iaia, ka rave rai koe i te tarevake i tetai au taime. Inara, te vaira te au ara kino. (1 Korinetia 6:9, 10) Me rave koe i te ara kino, akamaara kare a Iehova i akamutu i te akaperepere ia koe; puareinga ua aia i te akakore i taau ara e te tauturu ia koe.
1. Eaa ta tatou ka rave kia akakore mai a Iehova i ta tatou ara?
Me kite te aronga tei akaperepere ia Iehova e kua rave ratou i te ara kino ka taitaia ratou. Inara te akapumaana maira a Iehova ia ratou i tana taputou ki tona iti tangata: “Aite ua rai ta kotou au ara ki te mea kutekute ra, e teatea ïa mei te kiona ra.” (Isaia 1:18) Me tataraara tatou ma te ngakau tae, ka akakore takiri a Iehova i ta tatou ara. Akapeea tatou me tataraara? Me akakeuia tatou kia tataraara ma te ngakau tae, ka akamutu tatou i te rave i te kino ma te pati akatenga kia Iehova kia akakore mai i ta tatou ara. E oti ka angaanga pakari tatou kia taui i te au manako e te au peu tarevake, e ka tauta i te aru i te au turanga mā o Iehova.—E tatau ia Isaia 55:6, 7.
2. Akapeea a Iehova me taangaanga i te aronga pakari kia tauturu ia tatou me ara tatou?
Me rave tatou i te ara kino, te akakite maira a Iehova ‘e tiki tatou i te aronga pakari o te putuputuanga.’ (E tatau ia Iakobo 5:14, 15.) Akaperepere te aronga pakari ia Iehova e tana au mamoe. Kua papa meitaki ratou i te tauturu e te rapakau i to tatou pirianga kia Iehova.—Galatia 6:1.
Akapeea te aronga pakari me tauturu ia tatou me rave tatou i te ara kino? E rua me kore e toru aronga pakari te ka akatikatika mai ia tatou ma te au Tuatua Tapu. Ka akamaroiroi mai ratou ia tatou ma te au manako tau kia kore tatou e ara akaou. Penei ka kotinga ratou i ta tatou angaanga Kerititiano no tetai tuatau poto e tae ua atu ki te taime e maroiroi ei tatou i te pae vaerua. Ei paruru i te putuputuanga mei te au tu kino, ka akaatea te aronga pakari i tetai ua atu tei rave i te ara kino e kare i tataraara.
KIMI OONU
Apii kia kite koe i to Iehova tauturu me rave tatou i te ara kino.
3. Ka ora tatou me tataraara
Me ara tatou ka mamae a Iehova, e tau rai kia tataraara tatou kiaia. E tatau ia Salamo 32:1-5, e oti uriuri i teia uianga:
-
Eaa i meitaki ei kia aaki i ta tatou ara kia Iehova auraka e uuna i te reira?
Me aaki i ta tatou ara kia Iehova, e me kimi i te tauturu a te aronga pakari ka maru mai tatou. Akatangi i te VITIO, e oti uriuri i te uianga ka aru mai.
-
I roto i te vitio, akapeea te aronga pakari te tauturu anga ia Canon kia oki mai kia Iehova?
Ka anoanoia tatou kia akakite i te tika ki te aronga pakari; ka tauturu ratou ia tatou. E tatau ia Iakobo 5:16, e oti uriuri i teia uianga:
-
Akapeea e māmā ei i te aronga pakari kia tauturu ia tatou me akakite tatou i te tika?
4. Ka tauturu te akaatea anga ki vao
Me rave tetai tangata i te ara kino e kare e inangaro i te aru i ta Iehova au turanga, kare aia e riro ei tuanga no te putuputuanga. Ka akaateaia aia ki vao, e kare tatou e akataeake iaia e kare e tuatua atu kiaia. E tatau ia 1 Korinetia 5:6, 11 e 2 Ioane 9-11, e oti uriuri i teia uianga:
-
Mei te opue tei akaopue i te varaoa, akapeea te akataeake anga ki tetai tei ara e kare i tataraara, te takino anga i te putuputuanga?
E manganui tei akaateaia ki vao kua oki mai ki roto i te putuputuanga no te mea kua riro te ako anga noatu te mamae kia kite ratou i to ratou tarevake. (Salamo 141:5) Akatangi i te VITIO, e oti uriuri i te uianga ka aru mai.
-
I roto i teia vitio, akapeea te akaatea anga ki vao te tauturu anga ia Sonja?
Akapeea te akaatea anga ki vao . . .
-
me akangateitei i to Iehova ingoa?
-
me akaari e tu tau to Iehova e te aroa?
5. Me tataraara tatou ka akakore a Iehova i ta tatou ara
Taangaanga a Iesu i tetai akatutuanga ei tauturu ia tatou kia mārama ia Iehova me tataraara tetai tangata. E tatau ia Luka 15:1-7, e oti uriuri i teia uianga:
-
Eaa ta teia e apii maira no Iehova?
E tatau ia Ezekiela 33:11, e oti uriuri i teia uianga:
-
Eaa te takainga puapinga ei akaari e kua tataraara tikai tatou?
KARANGA TE TANGATA: “Mataku au i te akakite i taku ara ki te aronga pakari, te openga e akaateaia au ki vao.”
-
Eaa taau pauanga ki tetai tei manako akapera?
APIIANGA
Me rave tatou i te ara kino inara kua tataraara ma te ngakau tae e kua tauta i te akamutu i te rave i te kino, ka akakore a Iehova i ta tatou ara.
Uriurianga
-
Eaa i meitaki ei kia akakite i ta tatou ara kia Iehova?
-
Eaa ta tatou ka anoanoia kia rave kia akakoreia ta tatou ara?
-
Me rave tatou i te ara kino, eaa tatou ka aere ei ki te aronga pakari no te tauturu?
KIMI KIMI
Akara akapeea tetai tangata te kite anga i to Iehova tu akaaroa i roto ia Isaia 1:18.
Akapeea te akaatea anga ki vao me tauturu i te katoatoa?
“Akaateaanga i Tetai, Akaata Mai i to Iehova Aroa” (Te Punanga Tiaki, Me 15, 2015)
Apii kia kite akapeea koe me akamārama i te akaatea anga ki vao ki tetai kare i te Kite.
“Te Kopae ra Ainei te Au Kite o Iehova i te Aronga no Roto Ana i ta Ratou Akonoanga?” (Web atikara)
I roto i te tua “Ka Inangaro Au i te Oki Kia Iehova,” apii kia kite eaa tetai tangata tei akaruke i te tuatua mou i manako ei e na Iehova i akaoki mai iaia.
“Taui te Pipiria i te Oraanga” (Te Punanga Tiaki, Aperira 1, 2012)