APII 60
Akavaitata Atu Kia Iehova ei Oa Nona
I teia apii Pipiria, e maata taau i apii mai no runga ia Iehova. E kua riro teia ei akaperepere anga naau iaia e kua akatapu koe ia koe uaorai e kua papetitoia. Me kare ra, penei te vaitata ra koe i te rave i te reira. Inara, i muri ake i toou papetito anga, kare toou turanga pae vaerua e akamutu ki reira. Ka rauka ia koe te akavaitata kia Iehova e tuatau ua atu. Akapeea ra?
1. Eaa koe ka akamatutu ei i toou pirianga oa kia Iehova?
Ka angaanga pakari tatou te akamatutu i to tatou pirianga oa kia Iehova. Eaa te tumu? Kia kore tatou ‘e topa ua aea ki muri.’ (Ebera 2:1) Eaa te ka tauturu ia tatou kia tavini tiratiratu ia Iehova? Ka rave maroiroi tatou i te angaanga tutu aere e tetai au angaanga kia tavini pu tikai i te Atua. (E tatau ia Philipi 3:16.) Ko te oraanga meitaki rava atu teia kia tavini ia Iehova!—Salamo 84:10.
2. Eaa atu taau ka rave?
Noatu e ka akamutu teia apii Pipiria, ka tupu ua atu toou oraanga Kerititiano. Karanga te Pipiria ka anoanoia tatou “kia akatangata ou.” (Ephesia 4:23, 24) Ia koe e apii ra i te Tuatua a te Atua e te aere ki te au uipaanga putuputuanga, ka apii koe i te au mea ou no runga ia Iehova e tona au tu. E kimi i te au ravenga kia aru koe i tona au tu. E rave i te au taui anga tei anoanoia kia mataora a Iehova ia koe.
3. Akapeea a Iehova me tauturu ia koe kia tere ki mua?
Karanga te Pipiria: “Kia akameitaki rava [te Atua] ia kotou, kia tauturu mai, kia akamaroiroi mai, e kia akatinamou ia kotou.” (1 Petero 5:10) Ka timataia rai tatou kia rave i te kino. Inara ka akamatutu a Iehova ia tatou kia patoi i te reira. (Salamo 139:23, 24) Taputou mai aia e ka oronga mai aia i te anoano e te maroiroi kia tavini tiratiratu koe iaia.—E tatau ia Philipi 2:13.
KIMI OONU
Apii kia kite akapeea koe me tere ki mua i te pae vaerua e akapeea a Iehova me akameitaki ia koe.
4. E karangaranga ki toou Oa akaperepere
Kua tauturu te pure e te apii Pipiria ia koe kia riro ei oa no Iehova. Akapeea teia te akavaitata anga ia koe kiaia?
E tatau ia Salamo 62:8, e oti uriuri i teia uianga:
-
Ei akamatutu i toou pirianga oa kia Iehova, akapeea koe me akameitaki atu i taau pure?
E tatau ia Salamo 1:2, e oti uriuri i teia uianga:
-
Ei akamatutu i toou pirianga oa kia Iehova, akapeea koe me akameitaki atu i taau tatau Pipiria?
Akapeea taau uaorai apii e puapingaia ai koe? Teia te au akaraanga, akatangi i te VITIO, e oti uriuri i teia au uianga ka aru mai.
-
Eaa te au manako taau ka taangaanga i roto i te vitio?
-
Eaa te au manako taau ka inangaro i te apii?
5. Akanoo i te au akakoroanga pae vaerua
Me e au akakoroanga toou kia tavini ia Iehova ka tere koe ki mua i te pae vaerua. Akatangi i te VITIO, e oti uriuri i te uianga ka aru mai.
-
I roto i teia vitio, akapeea a Cameron i puapinga ai te akanoo anga aia i tona au akakoroanga pae vaerua?
Kare e rauka i te katoatoa i te neke ki tetai enua no te tutu aere. Inara, ka rauka ia tatou te akanoo i te au akakoroanga tau. E tatau ia Maseli 21:5, e oti akamanako eaa te au akakoroanga ka inangaro koe i te akanoo i roto . . .
-
i te putuputuanga.
-
i te angaanga tutu aere.
Akapeea te kaveinga a te irava me tauturu ia koe kia itae i toou au akakoroanga?
Akamanako i teia au akakoroanga
-
Akameitaki atu i taau pure.
-
Tatau i te Pipiria.
-
Akavaitata ki te putuputuanga.
-
Akamata e te rave i tetai apii Pipiria.
-
Tavini ei painia tauturu e ei painia tamou.
-
Ei taeake tane, itae kia riro ei tavini tauturu.
6. Oraanga mataora e tuatau ua atu!
E tatau ia Salamo 22:26, e oti uriuri i teia uianga:
-
Eaa taau ka rave kia mataora te oraanga i teianei e tuatau ua atu?
APIIANGA
E akamatutu i toou pirianga oa kia Iehova e te akanoo i te au akakoroanga pae vaerua. Ka tupu te oraanga mataora i teianei e tuatau ua atu!
Uriurianga
-
Eaa koe ka irinaki ei e ka tauturu a Iehova ia koe kia tavini tiratiratu iaia?
-
Akapeea koe me akamatutu i toou pirianga oa kia Iehova?
-
Akapeea te au akakoroanga pae vaerua me tauturu ia koe kia tere ki mua?
KIMI KIMI
Eaa ta Iehova e akaperepere ra, kia tavini tatou iaia e tai rā me kia tavini tiratiratu iaia i te au rā ravarai?
Ka ngaro rai te rekareka o tetai tavini tiratiratu o Iehova. Akara akapeea me rekareka akaou aia.
Rauka Akaou te Mataora i te Apii e te Akamanako Marie (5:25)
Akapeea koe me akanoo i te au akakoroanga pae vaerua e kia itae i te reira?
Eaa te tu pakari i puapinga ai ei Kerititiano, e akapeea e rauka ai te reira?
“Aere ki mua i te Pakari Mou—‘Kua Vaitata te Rā Maata o Iehova’” (Te Punanga Tiaki, Me 15, 2009)