Akamanako i te au taeake. Akamanako marie i te tumu i anoanoia ai te katoatoa kia rongo i taau karere, e kia akamanako katoa eaa te au manako puapinga i roto i taau tuanga te ka akamaroiroi ia ratou.

I roto i taau tuanga apii, akaari ki te katoatoa eaa ta ratou ka rauka i te rave. Mei te akamataanga o taau apii, akapapu e ka akakeu te reira ia ratou kia karanga e, ‘Tano meitaki teia kiaku.’ Me akamārama koe i te au manako maata, kia akaari katoa koe akapeea ratou me taangaanga i te reira. Kia riro taau ka tuatua ei mea papu.