Akamanako i te au taeake. Kia irinaki koe e te inangaro ra toou au taeake i roto i te putuputuanga i te akamareka ia Iehova. Noatu me ako koe ia ratou, kia akameitaki katoa koe ia ratou no te au mea meitaki ta ratou e rave ra.

Eaa e maata te tuatua no runga i te au manamanata e tupu nei. Ka taiku ua koe i tetai au manamanata e tupu nei me ka anoanoia te reira. E akamou ra i te katoa anga o taau karere ki runga i te au mea meitaki ka tupu a te tuatau ki mua.

Taangaanga i te Tuatua a te Atua. Akaari ki te katoatoa eaa ta Iehova i rave, eaa tana e rave nei, e eaa tana ka rave no te tangata a te tuatau ki mua. Akamaroiroi ia ratou kia akamou i te manako ki runga i te reira manakonakoanga.