Akamanako meitaki i taau ka apii ki tetai ke. Akapapu e kua mārama meitaki tikai koe i taau tumu manako. Ka rauka i reira ia koe te akamārama i te reira na roto i taau uaorai tuatua.

Kia potopoto te au tuatua. Noatu kare e tarevake me roaroa taau akamāramaanga i tetai au manako, inara e tauta i te akapoto i te reira me akamārama koe i te au manako puapinga.

Akamārama i te au tuatua kare tetai pae i kite i te aiteanga. Eiaa e taangaanga i te au kupu kare te tangata i kite i te aiteanga. Me ka taiku ra koe i tetai au kupu mei te reira te tu, me kore tetai tangata, te au vaito, te au peu no roto i te Pipiria, e akamārama i te reira.