Akapapa meitaki ma te pure. Pure kia Iehova kia tauturu mai ia koe kia akamou i te manako ki runga i taau karere. Akanoo i te au manako taau ka inangaro i te uriuri. Akamārama i te reira na roto i taau uaorai tuatua, eiaa e tatau ua mai i tei tataia.

Tuatua ma te ngakau katoa. Akamanako i te tumu i anoanoia ai kia kite tetai ke i taau karere. Akamou i te manako ki runga ia ratou. Ka rauka i reira ia koe te akaari i te tu inangaro e te maoraora na roto i te mata katakata, te akatutuanga a toou rima, e me tu koe i mua i te paata.

Akara i te katoatoa. Akara i te au tangata e akarongo maira ia koe. Me oronga koe i tetai ako, akara ki tetai tangata na mua e oti akara akaou ki tetai tangata ke, eiaa e kanakana i te mata.