Akamanako ana i teia akaraanga: Iaia e tona au oa e kangakanga ra, peʼi a Tim i te poro e kua ū atu ki runga i te maramarama o tetai taeake.

Me ko koe a Tim, eaa taau ka rave?

TORU AAU IKIANGA:

1. A. Oro.

2. E. Akaapa i tetai ke.

3. NG. Akakite eaa tei tupu, e oti oronga i te tutaki i te reira.

Penei ka timataia koe kia iki i te Ikianga A. Inara e meitaki kia akakite i toou tarevake—me no te maramarama kua ngaʼa, me no tetai mea ke atu.

1. Mea tau kia rave i te reira.

   Karanga ra te Pipiria: “Ei akono meitaki ta matou i te au mea katoa nei.”—Ebera 13:18.

2. Ka akakore mai te tangata i te ara a te aronga tei akakite i to ratou tarevake.

   Karanga ra te Pipiria: “Ko tei tapoki i tana ara, kare ïa e manuia: ko tei aaki ra e kua akaruke, e aroaia ïa.”—Maseli 28:13.

3. Mea puapinga rava atu, kia akamareka i te Atua.

   Karanga ra te Pipiria: “E mea viivii oki na Iehova te aronga māro ra, tei te aronga tuatua-tika ra tana muna.”—Maseli 3:32.

Tauta a Karina, e 20 ona mataiti, i te uuna i te tiketi akaoro viviki mei tona papa. Inara kua mou aia. “Tai mataiti i muri mai,” i karanga ai a Karina, “kite mai toku papa i tetai tiketi akaoro viviki i raro ake i toku ingoa. E āka manamanata tei tupu mai!”

Eaa te apiianga? Karanga a Karina: “Ka kino roa atu me uuna koe i te tarevake. Ka oki ua mai te reira!”

Karanga ra te Pipiria: “Te apa anake nei tatou i te au mea katoa e manganui.” (Iakobo 3:2) Mei ta tatou i kite mai, me akakite e me akatikatika koe i toou au tarevake, e akairo ïa no te tu akaaka e te pakari.

Aru mai, ka apiiia koe mei toou au tarevake. Karanga tetai tamaine ko Vera: “Kua riro te au tarevake ei apiianga meitaki no te tauturu iaku. Me tupu akaou mai te tarevake, ka rauka iaku i te akatanotano i te reira.” Akara ana ka akapeea koe me rave i te reira.

Pati koe i te patikara a toou papa e kua akaū i te reira. Eaa taau ka rave?

• Kare koe e akakite i te reira ma te manako e kare a papa e kite mai.

• Akakite ki toou papa eaa tei tupu.

• Akakite ki toou papa inara akaapa koe i tetai ke.

Kare koe e pāti i te tarere no te mea kare koe i apiipii ana i te reira. Eaa taau ka rave?

• Akaapa i te tarere.

• Āriki e noou te tarevake no tei kore i pāti i te tarere.

• Akakite e ko te puapii te manamanata.

 Akara i te nga akatutuanga i mua atu ana, akamanako ko koe (1) toou papa e te (2) toou puapii. Eaa ta toou papa e te puapii ka manako mai me akakite koe i toou tarevake? Eaa ta raua ka manako mai me uuna koe i toou tarevake?

Teianei, akamanako i te au tarevake taau i rave i te mataiti i topa e e pau i teia au uianga.

Eaa te tarevake? Eaa taau i rave?

• Uuna au i te reira.

• Akaapa au i tetai ke.

• Akakite au i te reira.

Me kua uuna koe i toou tarevake, eaa toou manako i muri mai?

• Manuia​—kare au i mou ana!

• Apa​—naringa au i akakite i te tika.

Akapeea koe me akatanotano i te turanga?

Eaa taau i kite mai no toou tarevake?

Eaa tetai au tangata kare e inangaro i te akakite i to ratou tarevake?

Eaa ta te tangata ka manako me uuna koe i toou tarevake, e eaa ta ratou ka manako me akakite koe i te tarevake?—Luka 16:10.