APII NO TE ARONGA TUTU EVANGERIA O TE PATIREIA Te au painia e 23 ki te 65 mataiti e te inangaro ra i te akamaata i ta ratou angaanga orometua, te patiia nei ratou kia tae mai ki tetai uipaanga a te avatea Tapati. Ka akakiteia atu te ngai e te ora o teia uipaanga.

ARONGA RAVERAVE Kua ikiia te aronga raverave ei tauturu ia koe. No reira, e akarongo meitaki i ta ratou aratakianga no te ngai pāka anga motoka, te ngai aaereia e te tangata, te tapao anga nooanga, e te vai atura.

PAPETITOANGA Kua tapaoia tetai au nooanga no te aronga ka papetitoia i mua roa i te paata. Kia noo te aronga ka papetitoia ki teia ngai i mua ake ka orongaia ai te akoanga papetito a te popongi Maanakai. E apai mai ratou i tetai tauera e tetai kakau pāi vai tau ua.

MONI TAUTURU E maata te moni tei akapouia no te au nooanga, te au apinga akatangi imene, te au apinga akatangi vitio, e te vai atura, kia riro teia uruoaanga ei mea mataora e kia tauturu ia tatou i te akavaitata atu kia Iehova. Ka tauturu ta kotou moni i teia akapouanga e ka turuturu katoa i te angaanga tutu aere i te ao katoa. E au pia tetai kua akatakaia no te au moni tauturu. Ka āriki rekarekaia te au tauturu katoatoa. Te oronga atu nei te Pupu Akaaere i ta ratou akameitakianga no ta kotou turuturuanga i te au angaanga o te Patireia.

FIRST AID E ngai ua teia no te AU TUPUANGA POITIRERE.

TE AU APINGA NGARO Te au apinga ngaro tei kiteaia mai, e apai i te reira ki te ngai o Te Au Apinga Ngaro. Me e apinga taau i ngaro, e aere ki teia ngai ma te akara atu i te reira. Te au tamariki tei aere ke mei to ratou au metua ma te kore e kiteaia e ratou, e apai katoa ia ratou ki teia ngai. Inara, kia kore e manamanata e tupu mai, e tiaki e e akono meitaki i ta kotou tamariki.

NOOANGA Me ka tika, e akamanako atu i etai ke. E akamaara, e tapao ua i te au nooanga no toou ngutuare tangata, te aronga tei aru atu ia koe, te noo ra i roto i toou ngutuare, me kore te apii ra i te Pipiria kia koe. Auraka e tuku i tetai apinga ki runga i te au nooanga kare koe e noo ki runga.

ANGAANGA TAUTURU Me ka inangaro koe i te tauturu i te rave i tetai angaanga i ko i te uruoaanga, e aere ki te ngai o te Akakiteanga e te Angaanga Tauturu.