I roto ia Mati 23, tere atu i te 12 mirioni tangata e tapapaia atu nei kia tae mai ki te Akamaaraanga i te mate o Iesu. Ka akarongo ratou no runga i ta Iehova apinga aroa o te oko e tetai au akameitakianga ka rauka i te au tangata a te tuatau ki mua! (Isa. 11:6-9; 35:5, 6; 65:21-23; Ioa. 3:16) Inara kare ko te vaa tuatua ua te ka rauka i te oronga i teia akakiteanga i ko i teia akakoroanga puapinga. Ka rauka i te katoatoa i te rave i ta ratou tuanga na te āriki pumaana anga i te aronga tei tae mai. (Roma 15:7) Teia tetai au ravenga.

• Eiaa e aere tika atu ki toou nooanga e te tiaki kia akamata te uipaanga. E aravei atu i te aronga tei tae mai pera to tatou au taeake paruparu ma te mata katakata e te oaoa

• Me te tiaki ra koe i te aronga taau tikai i pati kia aere mai, ka rauka katoa ia koe i te aravei atu i tetai ke tei tae mai. E pati i te aronga ou kia noo ki te pae ia koe kia akara kapiti korua i taau Pipiria e te puka imene

• Me oti te akoanga, kia rauka ia koe i te paupau i tetai ua atu uianga. Me kare e rava te taime no te mea ka taangaangaia te are uipaanga Patireia e tetai putuputuanga ke, e akanoo i tetai taime i te aravei akaou iaia a tetai rā. Penei e ui atu kiaia: “Ka inangaro au i te kite i toou manako no runga i teia uipaanga. Eaa te taime meitaki no te aravei akaou ia koe?”