ORAANGA KERITITIANO
Kopae i Teia au tu Tarevake me Rave i Tetai Apii Pipiria
Maata Roa te Tuatua: Eiaa e manako e ka inangaroia koe kia akamārama i te au mea ravarai. E taangaanga ana a Iesu i te au uianga ei tauturu i te au tangata kia akamanako e kia mārama e eaa te pauanga. (Mata. 17:24-27) Ka akaoraora te uianga i te apii e ka tauturu ia koe kia kite eaa ta te tangata apii i mārama e tana e irinaki ra. (be-E 253 ¶3-4) Me ui i tetai uianga, akakoromaki, tiaki marie no te pauanga. Me tarevake te pauanga a te tangata apii, eiaa e akakite atu i te pauanga, e ui ra i tetai au uianga ke mai ei tauturu iaia kia kite i te pauanga tano. (be-E 238 ¶1-2) Tuatua na roto i te tu te ka mārama meitaki te tangata apii i te au manako ou.—be-E 230 ¶4.
Ngatā Kia Mārama: Kopae i te manako e ka inangaroia koe kia akakite i te au mea pouroa taau i kite no runga i te apii e uriuri ra korua. (Ioa. 16:12) Akamou ua ki runga i te manako maata o te parakarapa. (be-E 226 ¶4-5) Ka riro te au manako rikiriki noatu te tau ra, ei tangaro i te au manako maata. (be-E 235 ¶3) Me mārama ua ana te tangata apii i te manako maata neke ki te parakarapa ka aru mai.
Kia Oti ua te Apii: To tatou akakoroanga kia taeria te ngakau kare kia oti ua te apii. (Luka 24:32) Akapuapinga i te mana o te Tuatua a te Atua na te akamou anga ki runga i te au irava tumu i roto i te apii. (2 Kori. 10:4; Ebe. 4:12; be-E 144 ¶1-3) Oronga i te au akatutuanga mama ua. (be-E 245 ¶2-4) E akamanako rai i te au mea e ngatā ra i te tangata apii pera katoa tana e irinaki ra, akatano i te apii kia tau ki tana ka mārama. Ui i te au uianga mei teia te tu: “Eaa ra toou manako no runga i taau e apii nei?” “Eaa ra ta teia e apii maira ia tatou no runga ia Iehova?” “Eaa te puapinga taau e kite ra me akono i teia ako?”—be-E 238 ¶3-5; 259 ¶1.