Me na te tamariki e vaʼi mai i te ngutupa e mea tau kia pati koe kia tuatua ki tona nga metua. Te akaari ra teia i te akangateitei no to raua turanga upoko. (Mase. 6:20) Me pati mai te tamariki kia aere tatou ki roto, e tiaki ua i vao. Me kare te nga metua i reira, e oki akaou atu a tetai taime.

Me e tamaiti pakari ake penei e mapu, e mea tau rai kia pati koe me ka tika kia tuatua ki tona nga metua. Me kare raua i reira, penei e ui e me e akatika ana tona nga metua iaia kia iki i tana uaorai ka inangaro i te tatau. Me karanga mai aia e ae, i reira tatou ka oronga atu ei i tetai puka nana e penei e akaari atu i te jw.org kiaia.

Me oki akaou i te atoro i tetai mapu tei āriki mai i te karere, mea tau kia pati me ka tika kia aravei tatou i tona nga metua. Na teia e akatuera mai tetai atinga kia akamārama i to tatou akakoroanga i atoro atu ei e kia akaari e ka rauka ia raua kia irinaki i te tuatua mou i roto i te Pipiria no te au ngutuare tangata. (Sala. 119:86, 138) Me akaari tatou i te tu akangateitei e te takinga meitaki no te nga metua ka riro tera ei akaraanga meitaki e penei ka āriki mai raua kia akakite atu tatou i te tuatua meitaki ki te ngutuare tangata.​—1 Pete. 2:12.