Kua akapapaia te au atikara e te vitio i runga i te kapi mua o ta tatou website no te aronga ngakau tae kare i te Au Kite. (Anga. 13:48) Te akaari maira te reira i te au tumu manako tukeke mei roto i te au nuti e ta te tangata e manako ra.

Akapeea koe me taangaanga i te kapi mua o te jw.org i roto i taau angaanga orometua?

• Akara putuputu i te website. Akara i te au mea ou i te kapi mua e e akamanako akapeea koe me taangaanga i te reira ki tetai tei akaari i te inangaro. (Kia kimi i te au apinga tei akaariia ana, e pata ki runga i te “Akara.”) Me akara putuputuia te website, ka tauturu te reira ia koe kia taangaanga meitaki i te au manako ou no te angaanga orometua.

• Taangaanga i te au atikara e te vitio i runga i te kapi mua no te akamata i tetai pukapuka anga. Ka oronga mai te reira i te au manako ei tauturu ia tatou kia kite eaa ta te tangata e manako ra.

• Akaari i te kapi mua ki te tangata. Akataka i te au tumu manako, e akaari ki te tangata akapeea me kimi i te reira.

• Oronga atu i tetai link. Tetai aronga kare e inangaro i te tuatua mai kia tatou, ka akara ra ratou i ta tatou website. No reira auraka e emiemi i te tuku atu i te link o te kapi mua, me kore tetai atikara, me kore tetai vitio ki te aronga tei akaari i te inangaro.