ORAANGA KERITITIANO

Tauturu i te Aronga Kare e Akonoanga Kia Kite i Tei Anga

AKATANGI

E emiemi ana ainei koe i te tutu aere ki te aronga kare e akonoanga, no te mea te manako ra koe e kare ratou e akarongo mai? E akamanako, tetai aronga kare e akonoanga e te aronga kare i irinaki ana i te Atua, kua riro mai ratou ei Au Kite no Iehova. Kua tauturuia ratou kia akara matatio i te au akapapu anga e e Atua rai tetai.—Roma 1:20; 10:14.

AKARA I TE VITIO E AKAMAARA—KA RAUKA TE AKARONGO NO TE ARONGA TIRATIRATU KORE —KARE E AKONOANGA, E OTI PAU I TEIA UIANGA:

Akapeea te akaraanga o Tommaso i te tauturu anga ia koe kia akamanako meitaki no te tutu aere atu ki te aronga kare e akonoanga?

Taau Pauanga

Peea me rave i te reira

Me kare tetai e irinaki ana ki te Atua, e akaari i te tu takinga meitaki, tu maru, e te akarongo meitaki ki tana e tuatua ra. (2 Timo. 2:24) E uriuri i te au manako tei tau kiaia. Ka inangaro ainei aia i te pukapuka no runga i te au akapapu anga tei tauturu i te manganui kia irinaki ki Tei Anga? Me koia ïa, e taangaanga i te au puka e te au vitio te akaari maira i te reira. Te nga poroutia Was Life Created? e The Origin of Life—Five Questions Worth Asking, kua tukuia ki roto i ta tatou au Apinga Apii o te reo papaa, kia māmā ua ia koe i te akaari atu.

Penei i te akamataanga, ka emiemi koe i te uriuri i te tuatua mou ki tetai tangata kare e irinaki ana ki te Atua. E pati no te tauturu ki tetai papuritia tukatau. E akamaara, ka tauturu a Iehova ia tatou kia itae i te ngakau o te aronga “i akonoia”—noatu i mua ana kare ratou i irinaki ana e e Atua tetai.—Anga. 13:48.

PUKA ANGAANGA ORAANGA KERITITIANO E TE ANGAANGA OROMETUA