KIA MATAKITE!
Anoanoia te Manakonakoanga no te 2023—Eaa ta te Pipiria e Akakite Maira?
I te mataiti 2023 e akamata maira, te manakonako atu nei tatou i te oraanga meitaki no tatou uaorai e te au ngutuare tangata. Eaa tatou ka manako papu ei?
Oronga mai te Pipiria i te manakonakoanga
Te oronga maira te Pipiria i te nuti meitaki e kare e roa ka takoreia te au manamanata e tupu nei kia tatou. Ae, kua “tataia [te Pipiria] kia kite tatou; kia rauka. . . te pumaana o te Tuatua i tataia ra.”—Roma 15:4.
Kia kite maata atu i ta te Pipiria i taputou mai, tatau i te atikara “Manakonakoanga Meitaki no te Tuatau ki Mua.”
Ka pumaana koe i teia manakonakoanga
Kua aite te manakonakoanga o te Pipiria mei ‘tetai tutau no to tatou oraanga.’ (Ebera 6:19) Ka akamaroiroi teia manakonakoanga ia tatou. Ka tauturu ia tatou kia akakoromaki i to tatou manamanata i teianei, ka rauka te tu papu, e ka rauka te mataora mutu kore. Ei akaraanga:
Akara kia kite akapeea te Pipiria te tauturu anga i tetai tangata ma te oraanga kona kava. Akara i te vitio Kare Oku Mataora i Toku Oraanga.
Akara akapeea te manakonakoanga o te Pipiria me tauturu ia tatou me takake atu tei akaperepereia. Akara i te vitio Akapumaana no te Aronga Tei Mii.
Akamatutu i toou manakonakoanga
E maata te tangata te manakonako atura i tetai oraanga meitaki, inara kare i papu ia ratou me ka tupu te reira. E tuke ta te Pipiria e taputou maira. Eaa te tumu? No te mea no ko mai i te Atua ko Iehova a anake, “ta te kore e tika kia pikikaa” teia au taputou Pipiria. (Tito 1:2) No Iehova anake te mana ririnui te akatupu i tana au taputou; “te rave nei a Iehova i tana katoa i anoano ra.”—Salamo 135:5, 6.
Te pati pumaana nei matou ia koe kia puapingaia mei teia manakonakoanga papu o te Pipiria. Ka rauka ia koe te irinaki i teia na te “kimi anga i te Tuatua i tataia ra.” (Angaanga 17:11) E akara na te tamata anga i ta matou uriurianga apii Pipiria kare e tutaki. E akamata i te 2023 ki teia manakonakoanga manea!
a Ko Iehova to te Atua ingoa.—Salamo 83:18.