KIA MATAKITE!
2023: E Mataiti Taitaia Tikai—Eaa ta te Pipiria e Akakite Maira?
I te 2023, te akaari maira te au tumatetenga i teianei ao e te noo nei tatou i te tuatau te karanga ra te Pipiria ko “taua tuatau openga ra.” (2 Timoteo 3:1) Te tano ra teia au tumatetenga ki ta te Pipiria i akakite mai e ka tupu i to tatou tuatau.
Te Pipiria e te au tumatetenga i teianei ao
“Tuatua tamaki, e te rongo tamaki.”—Mataio 24:6.
“Tupu ua te ta ua i te au ngai ravarai o teianei ao.” a
Akara i te atikara “Naai e Paruru i te Tangata?” e te “E $2 Tirioni Tuma Moni i Pou no te au Apinga Tamaki.”
“Te ngaruerue o te enua i tera ngai, i tera ngai.”—Mareko 13:8.
“Mei te akamataanga o te 2023, e 13 ngaruerue enua i runga ake i te 7 te vaito anga, e kino rava atu mei te akamata anga o te rekoti anga.” b
Akara i te atikara “Tupu te Ngaruerue Enua Kino Tikai i Turkey e Syria.”
‘Te au mea rikarika.’—Luka 21:11.
“Kua oti te tuatau vera i teianei ao; kua tae mai te tuatau vera kino.”—António Guterres, UN tekeretere-tianara. c
Akara i te atikara “Vera Kino te Tuatau Maana 2023.”
“E onge oki.”—Mataio 24:7.
“2023: E mataiti manamanata tikai no te au ngutuare tangata te ngata ra i te angai i to ratou ngutuare.” d
Akara i te atikara “No te Tamaki e te Taui Anga Reva Rava Kore te Kai i Teianei Ao.”
“Tupu te kino maata.”—2 Timoteo 3:1.
“E tai i roto i te varu tangata i teianei ao kua tuia e te maki manako.” e
Akara i te atikara “Maata te au Mapu e na Roto Nei i te Maki Manako.”
Eaa ta tatou ka tapapa atu i te 2024?
Kare i papu eaa te ka tupu i te mataiti 2024. Te akakite maira te au tumatetenga i teianei ao e kare e roa atu ana na te Patireia o te Atua, me kore te kavamani i te rangi e takore i te au kavamani a te tangata e te au mea tei akatupu i te mamae e te taitaia.—Daniela 2:44; Apokalupo 21:4.
I teianei, me taitaia tatou, e pati tauturu ki te Atua. Te akakite maira te Pipiria:
“Kia rokoia au e te mataku ra, ka irinaki au ia koe ra.”—Salamo 56:3.
Akapeea tatou me irinaki i te Atua? Te pati nei matou ia koe kia apii i te taputou a te Pipiria no runga i te oraanga kare e mamae no te tuatau ki mua. Tamata i ta matou uriurianga apii Pipiria kare e tutaki akapeea koe e toou ngutuare tangata e puapinga ai mei te au taputou a te Pipiria.
a Foreign Affairs, “A World at War: What Is Behind the Global Explosion of Violent Conflict?” na Emma Beals e Peter Salisbury, Okotopa 30, 2023.
b Earthquake News, “Year 2023: Number of Major Earthquakes on Course for Record,” Me, 2023.
c United Nations, “Secretary-General’s Opening Remarks at Press Conference on Climate,” Tiurai 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” Okotopa 10, 2023.
Ka Reka Katoa Koe i Teia
MAATA TE TUMU MANAKO
Manakonakoanga Meitaki no te Tuatau ki Mua
Eaa ta te au taputou a te Pipiria i tuke ei ki te au taputou e te au tamanako anga a te tangata?
ESSENTIAL BIBLE TEACHINGS
Eaa te Patireia o te Atua?
Roto i ta Iesu angaanga orometua, kua apii aia no runga i te Patireia o te Atua. No tetai au anere mataiti, kua pure tana au pipi no teia Patireia kia tae mai.
E ARA!
Akapeea me Tamaru i te Taitaia
Akara i te au kaveinga Pipiria te ka tauturu ia tatou kia tamaru i te taitaia e te akaiti mai i te reira.
AKAMĀRAMAIA TE AU IRAVA PIPIRIA
Akamāramaia a Apokalupo 21:4—“E Nana e Orei i te Roi-Mata Katoatoa”
Tei roto i teia au irava te au taputou manea no te tuatau ki mua.
NO RUNGA IA MATOU
Pati i Tetai Atoroanga
Uriuri i tetai uianga Pipiria, e e akara kia kite maata atu i te Au Kite o Iehova.
