KIA MATAKITE!
Ka Kitea te Manakonakoanga no te 2024—Eaa ta te Pipiria e Akakite Maira?
E maata te tangata te piritia nei ki roto i te manamanata i teianei ao no te 2024. Inara, ka kitea te manakonakoanga no te tuatau ki mua. Kiea?
Teia te manakonakoanga o te Pipiria
Te taputou maira te Pipiria e ka rapakau te Atua i te au manamanata te akatupu ra i te oraanga ma te kore e manakonakoanga. Kare e roa atu ana, ka “orei [te Atua] i te roi-mata katoatoa; e e kore rava te mate, e te aue, e te mii; e te mamae oki, e kore katoa ïa.”—Apokalupo 21:4.
Kia apii maata atu i te au taputou a te Pipiria no te tuatau ki mua, tatau i te atikara “Manakonakoanga Meitaki no te Tuatau ki Mua.”
Akapeea te Pipiria me tauturu ia koe
Te oronga maira te Pipiria i tetai manakonakoanga no te tuatau ki mua ei tauturu ia koe kia kopae atu i te au manako kino e kia rauka te manako papu. (Roma 15:13) Ka tauturu te akoanga meitaki a te Pipiria ia koe kia akakoromaki i toou au manamanata, mei te putaua, te tika kore, e te maki.
Akara akapeea te manakonakoanga a te Pipiria te tauturu anga i tetai tangata kia kitea te ’au e te mataora noatu te putaua. Akara i te vitio Juan Pablo Zermeño: Oronga Mai a Iehova i Tetai Oraanga Puapinga Noku.
Akara akapeea te Pipiria me tauturu ia koe kia akakoromaki i te au manako kino, maromaroa, apiapi, e te mate o tei akaperepereia. Tatau i te atikara “Can I Find Words of Comfort in the Bible?”
Akara akapeea i kitea ai e tetai vaine vaeau tei karanga e e “vaine kino [aia] e te aroa kore” te manakonakoanga ma te akameitaki i te Pipiria. Akara i te vitio I Put Down My Rifle.
Kia riro te 2024 ei mataiti meitaki noou e toou ngutuare tangata. E apii maata atu akapeea te Pipiria me tauturu ia koe. Tamata i ta matou uriurianga apii Pipiria kare e tutaki. Akara akapeea te Atua me oronga atu i te au “akakoro anga au” noou i teianei e “te openga ta kotou i manako ra.”—Ieremia 29:11.
Ka Reka Katoa Koe i Teia
PAUANGA PIPIRIA
Ka Kitea te Manakonakoanga Kiea?
Ka riro tetai tuatua tei irinakiia ei akameitaki atu i toou oraanga i teianei ma te papu no te tuatau ki mua.
PAUANGA PIPIRIA
Au i te Enua—Akapeea te Reira e Tupu Ei?
Apii akapeea te taputou a te Atua i te akatupu anga i te au i te ao na roto i tona Patireia.
ESSENTIAL BIBLE TEACHINGS
Eaa ra te Atua i Anga ai i te Enua Nei?
Kua ki te enua i te au apinga manea. Tau te mamao no ko mai i te rā, te aara, e te viviki e taka ra. Eaa te Atua i akapou ei tetai tuatau no te anga i te enua?
E ARA!
Tumatetengaia Teianei Ao—Paruru i Toou Manakonakoanga
Tauturu te Pipiria ia tatou kia autu i te au manamanata o te oraanga e kia rauka te manakonakoanga no te tuatau ki mua.
NO RUNGA IA MATOU
Pati i Tetai Atoroanga
Uriuri i tetai uianga Pipiria, e e akara kia kite maata atu i te Au Kite o Iehova.
