Ka Tauturu te Pirianga Oa i te Maromaroa—Teia te Tauturu a te Pipiria
I te 2023 kua riro te maromaroa ei tumatetenga kino i teianei ao. E rapakau anga ainei tetai?
“Te riro ra te maromaroa e te takake ko koe anake ua ei takino i te oraanga kopapa,” i na Dr. Vivek Murthy ei, e taote vavai maata i Marike. Karanga katoa aia: “E mana to tatou kia tauturu.” Akapeea ra? “Na te rave anga i te au takainga rikiriki i te au rā no te akamatutu i to tatou pirianga oa.” a
Kare na te takake ko koe anake ua e akatupu ana i te maromaroa. Te maromaroa ra tetai pae i roto i tetai pupu tangata. Noatu to tatou maromaroa, ka tauturu te Pipiria ia tatou. Ka tauturu te Pipiria ia tatou kia akakoromaki i te maromaroa na te akamatutu anga i to tatou pirianga oa.
Teia te au kaveinga Pipiria ei tauturu
E tuatua ki tetai e tetai. E akakite i toou manako ngakau e e akarongo meitaki i to tetai manako. Te maata atu taau akarongo ki tetai ke, ka matutu atu toou pirianga oa kia ratou.
Kaveinga Pipiria: “Auraka te tangata e akono i tona anake uaorai au mea, e akono katoa ra i to etai ke ra au mea.”—Philipi 2:4.
Kia maora ki te katoatoa. E akaoaoa ki te aronga pakarikari, te mapu, te aronga tukeke te oraanga, te reo e te enua.
Kaveinga Pipiria: “Kia maora katoa oki kotou.”—2 Korinetia 6:13.
Kia kite maata atu akapeea me akamatutu i te pirianga oa ki tetai ke, tatau i te atikara “Satisfying Our Hunger for Friendship.”
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.