Akapeea me Akakoromaki me Akatakakeia
Kua akatakakeia ainei koe ma te maromaroa? Me koia ia, kua aite koe ki te tata salamo tei tuatua e: “Mei te manu iti ra au, koia anake ra ki runga i te are.” (Salamo 102:7) Ka tauturu te akoanga pakari o te Pipiria ia koe kia akakoromaki i te au manamanata tei akatakake ia koe.
Aruaru i toou turanga pae vaerua
Ia koe e akatakakeia ra, ka mataora koe me aruaru i toou turanga i te pae vaerua e te meitaki ka rauka mei te reira. (Mataio 5:3, 6) Ka riro te au ravenga ka aru mai ei tauturu ia koe.
Pipiria runga i te initaneti i te reo Papaa, e mea mou e te māmā i te tatau
Au vitio no te au apiianga Pipiria
“Pauia te au Uianga Pipiria”—Pauanga ki te au uianga tei ui putuputuia
“Aru i to Ratou Akarongo”—Tauturu teia au atikara tukeke ia koe kia mārama i te oraanga o te au tane e te au vaine tiratiratu o te Pipiria
“E Mea Maaniia Ainei?”—Akaari maira teia au tua i te au mea tei angaia tona tu e te manea
Tatau i te au irava pumaana o te Pipiria
Riro teia au Irava ei akapumaana i te manganui. Kare e ka tatau ua i te au irava i te taime okotai, e akapou i toou tuatau akatakakeia no te akamanako oonu i taau irava e tatau ra e te pure katoa.—Mareko 1:35.
Tauta kia mārama i te tumu i tupu ei te kino i teianei ao
Ka rauka ia koe te akakoromaki me mārama koe i te tumu i tupu ei te kino e ka akapeea te Atua me akakore i te reira.—Isaia 65:17.
Akakore i te au manako taitaia
Tauturu te au atikara no teia tumu manako ia koe kia akakore i te manako taitaia, ia koe i akatakakeia e “auraka e apiapi.”—Mataio 6:25.
Akatupu i te pirianga oa
Ka riro te pirianga oa ei akamaroiroi ia koe i te pae o te manako e to te ngakau i te tuatau tikai kare e rauka i te aravei i tetai e tetai. Me tei te kainga koe, ka rauka ia koe i te vitio karangaranga e te taniuniu na runga i te initaneti no te tuatua ua ki toou au oa e te kimi i te au oa ou. Ka tauturu te au atikara ka aru mai ia koe kia kimi i “te taeake” piri mou.—Maseli 17:17.
Akamatutu i te kopapa
Karanga te Pipiria ko “te akamātau i te kopapa nei, e puapinga” ïa. (1 Timoteo 4:8) Ka tauturu ia koe kia meitaki i te pae o te manako, me kua akatakakeia koe. Noatu tei te kainga koe, ka rauka ia koe i te rave i te au angaanga ei akamatutu ia koe.