“Te takinokino nei te reva kino i te tangata, te au oire, e te au mea ora. No te taui anga reva kino, te kino ua atura te au uriia, te takore nei i te au kainga e te oraanga o te tangata i teianei ao. Te vera ua atura te moana, e te akaraanga [ka matemate] teia au mea ora i roto i te tai.”—Inger Andersen, tekeretere tianara o te United Nations e te akaaere tauturu o te UN Environment Programme, Tiurai 25, 2023.

 Ka rauka ainei i te au kavamani te angaanga kapiti no te rapakau i te au manamanata i teianei ao? E pauanga ainei ta ratou no teia au manamanata?

 Te akakite ra te Pipiria e ka rauka e ka rapakau tetai kavamani i te au manamanata katoatoa o te ao rangi i te enua nei. Te karanga ra e “e akatupu ei te Atua no te rangi i tetai basileia,” e kavamani te ka akatere i te au mea i te enua nei. (Daniela 2:44) I raro ake i teia kavamani o te ao katoa, ‘kare te tangata e takinokino, kare oki e mea e mate’ i te enua nei.—Isaia 11:9.