KIA MATAKITE!
Pupuiia te Tamariki Apii—Eaa ta te Pipiria e Akakite Maira?
Ia Me 24, 2022, kua tupu tetai tumatetenga kino i roto i te tapere meangiti o Uvalde, Texas, i Marike. Akakite The New York Times, “kua pupui tetai tangata e 19 tamariki e rua puapii . . . i ko i te Robb Elementary School.”
Ma te mii, te tupu putuputu nei teia au tu kikino. Kua ripoti te USA Today e i Marike anake, “e 249 ngai tei pupuiia te tamariki apii i te mataiti i topa ake nei—e maata atu i tetai ua atu mataiti mei te 1970 mai.”
Eaa ra teia au kino i tupu ei? Akapeea tatou me akakoromaki i teia au angaanga kikino? E manakonako meitaki ainei tetai e ka takoreia te ta ua? Te oronga maira te Pipiria i te pauanga.
Eaa ra teianei ao e kino ua atura?
Te akakite maira te Pipiria e tei roto tatou i “taua tuatau openga ra” e e “aroa kore” to te tangata e te “rotoriri,” te rave ra i teia au angaanga kikino. E “e tupu rai to ratou kino, e e maata atu.” (2 Timoteo 3:1-5, 13) Kia apii maata atu i teia, tatau i te atikara “Did the Bible Predict the Way People Think and Act Today?”
E maata te tangata te manako ra ‘Eaa ra te Atua ka kore ei e paruru i teia au angaanga kikino koia oki te pupui i te tamariki apii?’ Kia kite i te pauanga a te Pipiria, tatau i te atikara “Tupu te Kino ki te Aronga Meitaki—Eaa te Tumu?”
Akapeea tatou me akakoromaki i teia tu kikino?
“Te au tuatua ravarai oki i tataia i muatangana, i tataia ïa kia kite tatou . . i te akakoromaki e te pumaana o te tuatua i tataia ra.”—Roma 15:4.
Ka tauturu teia au kaveinga Pipiria ia tatou kia akakoromaki i teianei ao ta ua. E tatau i te makatini Awake! te tumu manako “Will Violence Ever End?” kia kite maata atu i te reira.
No tetai au tauturu akapeea te au metua me tauturu i ta ratou tamariki kia akakoromaki i teia au nuti kino, e tatau i te atikara, “Disturbing News Reports and Your Children.”
Ka ope ainei te ta ua?
“Ka akaora aia [ia ratou] i te takinga-kino e te rotoriri ra.”—Salamo 72:14.
“E tupaki ratou i ta ratou au koke ei auri arote, e ta ratou au korare ei tipi tope ïa, kare tetai enua e apai i te koke ki runga i tetai enua kare oki ratou e apii akaou i te tamaki.”—Mika 4:3.
Ka rave te Atua i tei kore e rauka i te tangata. Ka takore tona Patireia i te rangi i te au apinga tamaki katoatoa e te au tu ta ua katoatoa. Kia apii maata atu no runga i ta te Patireia o te Atua ka akatupu, e tatau i te atikara “I Raro Ake i te Patireia o te Atua ka ‘Maata Roa Oki te Au.’”