E 2.24 tirioni tara (moni Marike) tei akapouia no te apinga tamaki i te mataiti 2022, kua tupu teia no te tamaki anga a Rutia ia Ukraine. Te akakite maira te ripoti o Aperira 2023 a te Stockholm International Peace Research Institute (SIPRI), e i te mataiti 2022:

•   “Kua kake mai te moni akapou ki te 13 patene [ta te kavamani o Europa i tuku] ki runga i te apinga tamaki o tera mataiti, kare i aite ki te moni i akapouia no te putoto anga i rotopu ia Marike e Rutia.”

•   “Ko Rutia te toru o te enua i teianei ao, tei akapou e 9.2 patene o ta ratou moni no te au apinga tamaki.”

•   Ko Marike i reira te enua maata atu tei akapou i ta ratou moni no te au apinga tamaki, “kua tareia e 39 patene moni i pou ki runga i te reira.”

 “No te maata o te moni i pou ki teia au apinga tamaki kua akatupu te reira i te oraanga manamanata e te kino kia tatou,” i karanga ai a Dr. Nan Tian, te tauturu tata o te SIPRI ripoti.

 Totou te Pipiria e ka tupu te putoto anga i rotopu i te au kavamani tangata i teianei ao. E te akakite maira te reira akapeea e tupu ei te ’au.

•   Te akakite maira te Pipiria no runga i to tatou tuatau e ko te ‘tuatau openga.’—Daniela 8:19.

•   Totou te puka o Daniela e a te reira tuatau, ka tauetono te au mana tutara. Ka tupu te ‘opara anga,’ me kore te putoto anga i roto i teia au mana tutara. Te ka akapou i ta ratou “au apinga” me kore moni no te tamaki.—Daniela 11:40, 42, 43.

 Me inangaro koe i te apii i teia totou Pipiria, akara i te vitio Totou Akatupuia—Daniela Pene 11.

•   Ka mono te Atua i te kavamani o te tangata. Akakite maira te Pipiria e nana e akatupu “i tetai basileia, te ka kore rava e akakoreia e tuatau ua atu: kare oki taua basileia ra e riro i etai ke, e riro na te reira e akapueurikiriki e e akapou i taua au basileia katoa ra, e ka vai rai te reira e tuatau ua atu.”—Daniela 2:44.

•   I reira e akatupu ei te Atua ko Iehova a i te ’au, tei kore i rauka i te tangata i te rave. Akapeea? Na roto i Tona Patireia i te rangi, ka akakore te reira i te apinga tamaki e te kino.—Salamo 46:8, 9.

 Me inangaro koe i te kite eaa ta te Patireia o te Atua ka rave, e tatau i te atikara “I Raro Ake i te Patireia o te Atua ka ‘Maata Roa Oki te Au.’”