I teianei ao te akatakake nei te angaanga poritiki i te tangata. I roto i tetai tareanga 2022 Pew Research Center, e “65% au tangata i roto i te 19 au enua tei karanga e maata te au patoi anga i to ratou enua i rotopu i te aronga tei turu i to ratou uaorai pupu poritiki.”

 Te kite ra ainei koe i toou ngai e te kino ua atura te takake i rotopu i te tangata no te angaanga poritiki? Eaa te tumu? E rapakau anga ainei tetai? Akara i ta te Pipiria e karanga ra.

 Kua totou te Pipiria e i to tatou tuatau, tei karangaia ko te “tuatau openga,” e maata te tangata ma te au tu e ngata kia rauka te tu taokotai.

•   “Ka tupu te kino maata i taua tuatau openga ra, kia kite mai koe. E riro te tangata nei ei akaperepere ia ratou uaorai, . . . ei akaatikau koreromotu ra.”—2 Timoteo 3:1-3.

 Noatu te tauta anga a te maata anga o te tangata, e ngata i te au kavamani te akatere i te enua. E ngata i te tangata ma te au manako patoi, kia angaanga kapiti te rapakau i te au manamanata. Te akaari maira kua akakite takere te Pipiria i te reira no tetai tuatau roa.

•   “Tutara ra tetai tangata ki rungao i tetai, ei mate nona uaorai.”—Koheleta 8:9.

 Inara, te akakite maira te Pipiria i te rapakau anga—e kavamani te ka tutara e te takore i te au manamanata o te tangata i teia ra.

 Te akakite maira te Pipiria i tetai arataki meitaki e te karape: ko Iesu Karaiti. E mana ririnui to Iesu, e te inangaro ra aia i te taokotai e te akatupu i te au ki te tangata.

•   “I tona ra au rā e ruperupe ei te aronga tuatua-tika; e maata roa oki te au.”—Salamo 72:7.

•   “Ka ope ake te pa enua i te tavini iaia.”—Salamo 72:11.

 Ko Iesu te arataki meitaki no te mea akaperepere aia i te tangata e te inangaro ra i te tauturu ia ratou, te aronga tikai tei takinokinoia ma te tika kore.

•   “Ko tei putaua ra me kapiki maira, nana ïa e akaora; e tei akaaka ra, e kare ona e tauturu. Ka akaperepere aia i tei apikepike ra e tei putaua, e akaora oki aia i te au vaerua o te aronga ao ra. Ka akaora aia i to ratou vaerua i te takinga-kino e te rotoriri ra.”—Salamo 72:12-14.

 E apii kia kite koe i te Patireia o te Atua, e kavamani i te rangi te ka aratakiia e Iesu. Akara akapeea koe e puapinga ai e te turu i tana tutara anga.

•   Akara i te vitio Eaa te Patireia o te Atua?

•   Tatau i te atikara “God’s Kingdom—A Government With No Corruption.”