KIA MATAKITE!
Au Kite o Iehova e te Holocaust—Eaa ta te Pipiria e Akakite Maira?
Ia Tianuare 27, 2023, e maata te tangata ka akamaara i te International Holocaust Remembrance Day. Penei te manako ra koe i te au kino tei tupu e 75 mataiti i topa e eaa te Atua i akatika ai i te Holocaust kia tupu.
Kia kite maata atu i ta te Pipiria e karanga ra, tatau i te atikara “Eaa i Tupu ei te Holocaust? Eaa ra te Atua Kare i Tāpu i te Reira?”
Kua takinga kinoia te iti tangata ngati Iuda i roto i te Holocaust. E mirioni ua atu tei tamateia. Kua takinga kino katoaia tetai au pupu e kua tamateia i roto i te Holocaust. Tetai ia ratou ko te Au Kite o Iehova, tei takinokinoia no to ratou irinakianga Pipiria.
Kia kite maata atu, tatau i te atikara “What Happened to Jehovah’s Witnesses During the Time of the Holocaust?”
‘Te manakonakoanga ki mua’
E maata te tangata te mataku nei penei ka tupu akaou te Holocaust. Ma te mataora, te akakite maira te Pipiria i tetai manakonakoanga ki mua e kare rava teia au kino e tupu akaou.
“‘Kua kite oki au i te au akakoro anga taku i akakoro ia kotou nei, te tuatua mairā Iehova, e akakoro anga au ïa, kare to te kino, kia oronga atu au ia kotou i te openga ta kotou i manako ra.’”—Ieremia 29:11. a
Ka tupu teia manakonakoanga me takore te Atua ko Iehova i te au kino ravarai tei tupu e ka rapakau i te reira. Kare e roa atu ana ka:
Takore aia i te aronga tei takinokino i te tangata.—Maseli 2:22.
Akaora i te aronga tei takinokinoia.—Apokalupo 21:4.
Akatuakaou mai i te aronga tei mate kia noo i te enua nei.—Ioane 5:28, 29.
Ka rauka ia koe te irinaki i teia manakonakoanga pumaana ta te Pipiria e oronga maira. Kia kite koe eaa ra, te pati atu nei matou ia koe kia aru i ta matou uriurianga apii Pipiria kare e tutaki.
a Ko Iehova to te Atua ingoa.—Salamo 83:18.