Ia Iesu i te enua nei, kua akaperepere aia i te tangata, e kua akaatinga iaia uaorai no ratou. (Mataio 20:28; Ioane 15:13) Kare e roa atu ana, ka akaari akaou aia i tona akaperepere i te tangata na te taangaanga anga i tona mana ei Ariki no te Patireia o te Atua me “akakore aia i te tamaki e tae rava akenei ki te openga enua.”—Salamo 46:9.

 Akara akapeea te Pipiria te akakite anga i ta Iesu ka rave:

•   “Ko tei putaua ra me kapiki maira, nana ïa e akaora; e tei akaaka ra, e kare ona e tauturu. Ka akaperepere aia i tei apikepike ra e tei putaua, e akaora oki aia i te au vaerua o te aronga ao ra. Ka akaora aia i to ratou vaerua i te takinga-kino e te rotoriri ra.”—Salamo 72:12-14.

 Akapeea tatou me akaari e te āriki tikai ra tatou i ta Iesu i rave e ka rave no tatou? Ia Luka 22:19, kua akakite a Iesu ki tana au pipi kia akamaara i tona mate. No reira i te au mataiti ravarai, i te rā akamaaraanga o tona mate, ka akaputu mai te Au Kite o Iehova ki te ngai okotai. Te pati nei matou ia koe kia piri mai no te Akamaaraanga i te mate o Iesu a te Tapati, Mati 24, 2024.

Kimi i Tetai Akamaaraanga