I teia mataiti 2024 e maata te au iki anga poritiki i teianei ao. Inara, e maata te tangata kare e irinaki ana i te aronga poritiki.

•   E maata te au tangata Marike tei karanga e “e maata te aronga poritiki tei manako ia ratou uaorai” kare kia tavini i te iti tangata. a—Pew Research Center, Tepetema 19, 2023.

 No reira e maata te au mapu kare e irinaki ana i te aronga poritiki.

•   “E maata te manamanata o te au mapu e kua inangaro i te akatikatikaia i te reira, inara karanga ratou i roto i te au kimikimi anga e kare a te aronga poritiki pauanga ki te reira.”—The New York Times, Tianuare 29, 2024.

•   “Irinaki te au mapu i te YouTubers kare i te aronga poritiki, i akakite ei te kimikimi anga.”—The Korea Times, Tianuare 22, 2024.

 Ka irinaki ainei tatou i te aronga poritiki no tetai oraanga meitaki a te tuatau ki mua? Koai ta tatou ka irinaki?

 E meitaki kia matakite te tangata koai ta ratou ka irinaki. Karanga te Pipiria “te akarongo ra te kite kore i te au tuatua katoa ra: te akara meitaki ra te tangata akono ra i tona takainga.”—Maseli 14:15.

•   Akara i teia au tauturu kia matakite koe i taau e akarongo ra, tatau i te atikara “Paruru ia Koe Uaorai Mei te au Akakiteanga Pikikaa.”

 Pera katoa, kare e rauka ana i te aronga poritiki i te rave i ta ratou ka inangaro i te rave. No reira te Pipiria i akamatakite mai ei:

•   “Auraka e irinaki i te au arataki tangata; kare e rauka i tetai tangata te akaora ia koe.”—Salamo 146:3, Good News Translation.

 Te akamārama maira te Pipiria e kua akataoonga te Atua i tetai arataki karape e te irinakiia: ko Iesu Mesia. (Luka 1:32, 33) Ko Iesu te Ariki o te Patireia o te Atua, e kavamani te tutara maira mei te rangi.—Mataio 6:10.

•   E apii kia kite koe kia irinaki ia Iesu e tana ka rave no te rapakau i to tatou manamanata. Tatau i te au atikara “Koai te Ariki o te Patireia o te Atua?” e “Eaa ta te Patireia o te Atua ka Akatupu?”