KIA MATAKITE!
Au Vaipuke Kino—Eaa ta te Pipiria e Akakite Ra?
E maata te tangata i teianei ao te akakoromaki ra i te au vaipuke kino. Akara i teia au ripoti:
“I teia au rā i topa i roto i te 140 mataiti kua rekotiia tetai ua maata i Tinito i tupu ei te teruvi . . . e 744.8 mirimita (29.3 ini) ua mei te Maanakai ki te Ruitoru.”—AP News, Aukute 2, 2023.
“Kua apai mai te Uriia Khanun i te ua maata e te matangi ririnui ki te tua tonga o Tiapani e rua rā i teianei i te Paraparau, e rua tangata i mate. . . . Kua tamanakoia tetai ua maata mei te 0.6 mita (2 tapuae) i te au maunga i rotopu ia Taiwan.”—Deutsche Welle, Aukute 3, 2023.
“I roto i te 50 mataiti kua tupu tetai ua maata ki te pae Atlantic o Kanata i tupu ei te vaipuke i te openga epetoma [i Nova Scotia].”—BBC News, Tiurai 24, 2023.
Eaa ta te Pipiria e akakite ra no teia au tumatetenga natura?
E akairo no te “tuatau openga”
Te akakite maira te Pipiria e te noo nei tatou i “taua tuatau openga.” (2 Timoteo 3:1) Kua totou mai a Iesu e ka kite tatou i “te mea rikarika,” me kore te au akairo matakutaku. (Luka 21:11) Na te tauianga reva e akatupu nei i te reva kino e ka tupu ua te reira, putuputu, e te pakari.
Tumu anga no te manakonakoanga
Te akakite maira te Pipiria e te riro nei teia au mea kino ei tumu anga no te manakonakoanga. Eaa ra? Karanga a Iesu: “Kia akara kotou i taua au mea nei i te tupu anga, kua vaitata ïa te basileia o te Atua, kia kite oki kotou.”—Luka 21:31; Mataio 24:3.
Te akaari maira teia au tumatetenga e kare e roa ka akatere te Patireia o te Atua i te au mea natura o te enua, e te vai.—Iobu 36:27, 28; Salamo 107:29.
Kia kite maata atu akapeea te Patireia o te Atua me akaou i te reva o te enua, akara i te atikara “Naai e Paruru i te Enua?”