Ka Ope Ainei te Tamate Anga Vinivini?
I muri ake i te tamate anga vinivini a te aronga takinokino, penei ka ui koe kia koe: ‘Te manako maira ainei te Atua iaku? Eaa ra teia au mea i tupu ei? Ka ope ainei te tamate anga vinivini a? Me ka mataku au, eaa taku ka rave?’ Te oronga maira te Pipiria i te au pauanga meitaki no teia au uianga.
Eaa to te Atua manako no te tamate anga vinivini?
E mea rikarika na te Atua te takinga kino e te tamate anga vinivini. (Salamo 11:5; Maseli 6:16, 17) Ei mata no te Atua, kua ako atu a Iesu i tana au pipi auraka ratou e takinokino atu i tetai ke. (Mataio 26:50-52) Noatu kua karanga tetai pae e te rave ra ratou i te tamate anga vinivini na roto i te ingoa o te Atua, kare aia e āriki i ta ratou i rave. Kare katoa aia e akarongo ana ki ta ratou pure.—Isaia 1:15.
Te manako maira te Atua i te katoatoa tei taitaia, e te aronga tei mamae no te takinokino anga. (Salamo 31:7; 1 Petero 5:7) Te akakite katoa maira te Pipiria e ka takore te Atua i te kino.—Isaia 60:18.
Te tumu i tupu ei te tamate anga vinivini
Te akakite maira te Pipiria i te tumu i tupu ei te tamate anga vinivini: “Te tutara ra tetai tangata ki rungao i tetai, ei mate nona uaorai.” (Koheleta 8:9) I roto i te oraanga o te tangata, kua taangaanga te aronga mana i te au ravenga takinokino anga i tetai aronga. No teia ravenga, kua rave tetai aronga i te tamate anga vinivini.—Koheleta 7:7.
Takore takiri i te tamate anga vinivini
Taputou mai te Atua e ka takore aia i te mataku e te kino e ka akatupu i te ‘au ki runga i te enua. (Isaia 32:18; Mika 4:3, 4) Nana e:
Takore i te tamate anga vinivini. Ka tupau aia i te tutara anga a te tangata ki tana kavamani. Te Tutara o teia kavamani, ko Iesu Karaiti, ka akono meitaki aia i te katoatoa e ka takore i te au kino ravarai. (Salamo 72:2, 14) A te reira tuatau, kare te tangata e rave akaou i te tamate anga vinivini. “E ka rekareka [te au tangata] i te maata o te au ra.”—Salamo 37:10, 11.
Akakore i te au kino no te tamate anga vinivini. Ka akaora te Atua i te au tangata tei tupu te kino rikarika kia ratou, i te pae kopapa e to te ngakau. (Isaia 65:17; Apokalupo 21:3, 4) Kua taputou katoa aia i te akatu mai i te aronga tei mate ki runga i te enua ponuiaau.—Ioane 5:28, 29.
Te akakite maira te Pipiria i te au tumu meitaki e kare e roa atu ka akatupu te Atua i te reira. Penei te manako ra koe, ‘Eaa te Atua kare i takore ei i te tamate anga vinivini?’ Kia kite i te pauanga, akara i te vitio Eaa ra te Atua i Akatika ai i te Mamae Kia Tupu?
a Te taiku ra te tuatua “tamate anga vinivini” ki te takinokino anga—me tupu tikai ki te au tangata ravarai—no te tamataku e te akatupu i te akakoroanga poritiki, to te akonoanga, e to te tangata. Penei, kare tetai aronga e āriki ana e ko te kino tei tupu kare ïa i te tamate anga vinivini.
Ka Reka Katoa Koe i Teia
MAATA TE TUMU MANAKO
Akakoromaki i te Manako Taitaia
Eaa te au tauturu e te au irava ka tauturu ia koe kia kore koe e manako taitaia?
MAATA TE TUMU MANAKO
Manakonakoanga Meitaki no te Tuatau ki Mua
Eaa ta te au taputou a te Pipiria i tuke ei ki te au taputou e te au tamanako anga a te tangata?
PAUANGA PIPIRIA
Eaa te Patireia o te Atua?
Akamanako ana i te tumu i meitaki roa atu ei te kavamani o te Atua ki tetai ua atu kavamani tangata.
TE PUNANGA TIAKI
Eaa ta te Patireia o te Atua ka Akatupu?
Kite a Iesu e na te Patireia o te Atua te kavamani anake e takore i te manamanata i te enua nei. Eaa ta te Patireia i akatupu?
MAATA TE TUMU MANAKO
Ka Rongoia Ainei te Kapiki Anga no te Tu Tika?
Te akaari maira te Pipiria e no ko mai i te Atua te tu tika mou, tei akaperepere i te oraanga tangata.
ESSENTIAL BIBLE TEACHINGS
Eaa ra te Atua i Akatika ai i te Mamae Kia Tupu?
Oronga mai te Pipiria i te pauanga taka meitaki e te akapumaana.
