Ka Rauka Ainei Tetai Turanga Tau i te Pae o te Moni?
I te au enua tukeke, te patoi nei te tangata i te au turanga tau kore i te pae o te moni. Te tupu anga te maki kino COVID-19, kua kino roa atu te manamanata, e no te au lockdown, te ngere i te au apinga, rava kore te tauturu a te taote, te kiteaia nei te ke i rotopu i te aronga moni e te putaua.
Ka ope ainei te au manamanata i teianei ao i te pae o te moni? Ae. Te akakite maira te Pipiria e ka akakore te Atua i teia au manamanata.
Ka akakore te Atua i te au manamanata i te pae o te moni
Manamanata: Kare te tangata i akatupu ake i tetai turanga tau i te pae o te moni ei akono i te katoatoa.
Pauanga: Ka tupau te Atua i te au kavamani a te tangata ki tana uaorai, tei kapikiia ko te Patireia o te Atua. Ka tutara te reira mei te rangi ki rungao i te enua.—Daniela 2:44; Mataio 6:10.
Te ka tupu: Ei kavamani i te ao katoa, ka akono meitaki te Patireia o te Atua i te au mea ravarai. Kare te tangata e putaua akaou e kare e turanga tau kore i te pae o te puapinga. (Salamo 9:7-9, 18) Mari ra, ka rekareka ratou i ta ratou uaorai angaanga ma te puapinga ki to ratou au ngutuare tangata. Te taputou maira te Pipiria: “E patu ratou i te au are, e na ratou uaorai e noo; e na ratou e tanu i te au kainga vine, ka kai ei i te kai i reira. Kare ratou e patu, e na tetai ke e noo; kare ratou e tanu, e na tetai ke e kai.”—Isaia 65:21, 22.
Manamanata: Ka mamae e ka ngere ua rai te tangata i te au mea tei anoanoia no te oraanga.
Pauanga: Na roto i tona Patireia, ka akakore te Atua i te au tu mataku e te tu tinamou kore.
Te ka tupu: Ka akono te Atua i te tangata, e kare ratou e ngere akaou i te au mea tei anoanoia no te ngutuare tangata. Ka riro te tamaki, te onge, e te maki kino ei mea taito. (Salamo 46:9; 72:16; Isaia 33:24) Karanga te Atua: “E noo oki toku ra iti-tangata ki roto i te are au nuingangare, e te nooanga mataku kore e te ngai kanga koreia mai.”—Isaia 32:18.
Manamanata: E takinokino ana te aronga karapii e te noinoi i te tangata.
Pauanga: Ka apii te iti tangata o te Patireia o te Atua kia maata atu to ratou aroa no tetai.—Mataio 22:37-39.
Te ka tupu: I raro ake i te Patireia o te Atua, ka akaari te katoatoa i te tu aroa o te Atua, e “kare e kimi i te meitaki nona uaorai.” (1 Korinetia 13:4, 5) Akakite te Pipiria: “Kare ratou e kanga, kare oki e mea e mate ei, i toku katoa nei maunga tapu: no te mea, ka ki te enua i te kite ia Iehova, a mei te vairanga tai e ki i te tai ra.”—Isaia 11:9.
Te akakite maira te Pipiria e te noo nei tatou i te tuatau openga o teia akatereanga, kare e roa ka akatupu te Atua i tana taputou te akakore i te au manamanata i te pae o te puapinga. b (Salamo 12:5) I teianei, ka tauturu te au kaveinga Pipiria ia koe kia akakoromaki i te au manamanata i te pae o te puapinga. Ei akaraanga, akara i te au atikara “How to Live on Less” e te “A Balanced View of Money.”
a Ko Iehova to te Atua ingoa i roto i te Pipiria.—Salamo 83:18.
b Kia kite i te tumu kia irinaki koe i te Pipiria, akara i te atikara “Te Pipiria—Te Tumu ïa o te Tuatua Mou.”
Ka Reka Katoa Koe i Teia
TE PUNANGA TIAKI
Eaa ta te Patireia o te Atua ka Akatupu?
Kite a Iesu e na te Patireia o te Atua te kavamani anake e takore i te manamanata i te enua nei. Eaa ta te Patireia i akatupu?
AKAMĀRAMAIA TE AU IRAVA PIPIRIA
Akamāramaia a Mataio 6:34—“Auraka e Apiapi i to Apopo”
Kare a Iesu i karanga ana e eiaa tatou e parani no te tuatau ki mua.
