Okotai taime i te mataiti, ka rave te Au Kite o Iehova e te au taeake manuiri e mirioni ua atu i teianei ao i te Akamaaraanga i te mate o Iesu, mei tana i akaue mai. (Luka 22:19) Ka tauturu teia akakoroanga ia tatou kia akaperepere i te angaanga puapinga ta Iesu i rave kua mate aia no te au tangata ravarai. Te akakite katoa maira te reira i te aiteanga o tona atinga kia tatou i teianei e a te tuatau ki mua.—Ioane 3:16.

 Me kua tae ana koe ki te Akamaaraanga i teia mataiti e me kare, akapeea koe e puapingaia ai mei te atinga mate o Iesu? Apii mai a Iesu e kia rave tatou i te nga takainga puapinga e rua:

1.  1. Apii no runga i te Atua e Iesu. Roto i tana pure ki tona Metua i te rangi, karanga a Iesu e: “Teia oki te ora mutu kore, kia kite ratou ia koe i te Atua mou ra, e ia Iesu i te Mesia, i taau i tono maira.”—Ioane 17:3.

2.  2. Taangaanga i taau e apii ra. Kua akakite mai a Iesu e kia taangaanga tatou i tana apiianga i roto i to tatou oraanga. Ei akaraanga, kua taopenga aia i roto i tana Ako rongonui i te Maunga na te akameitaki anga i tetai tei “akarongo ei i [tana] au tuatua, e akono tikai iora.” (Luka 6:46-48) I tetai mai atianga, kua karanga aia: “E ao to kotou, te aronga i kite i teianei au tuatua, kia akono kotou i te reira.”—Ioane 13:17.

 Ka inangaro ainei koe kia kite maata atu no runga i te Atua e Iesu? Inangaro ainei koe i te au akoanga tau akapeea me taangaanga i taau e apii ra? Teia tetai au mea ka tauturu ia koe.

 Kua tauturu ana ta matou uriurianga apii Pipiria kare e tutaki i te au tangata kia apii i te Pipiria e te taangaanga i ta te reira akoanga i roto i to ratou oraanga.

•   Akara i te kapi Uriurianga Apii Pipiria ma te Tauturu kia kite maata atu no runga i teia porokaramu.

•   Akara i te vitio Kia Orana, Teia Taau Apii Pipiria kia kite akapeea te Au Kite o Iehova me apii ana i te Pipiria.

 E uipa ana te Au Kite o Iehova e rua taime i te epetoma ki to ratou ngai akamorianga te Are Uipaanga Patireia. I te uipaanga, ka uriuri matou i te Pipiria e ka akapeea me taangaanga i ta te reira akoanga i roto i to matou oraanga.

 Ārikiia te katoatoa ki teia uipaanga e kare koe e anoanoia kia riro ei Au Kite kia aere mai ki te uipaanga. Kia tau ki toou turanga, ka rauka ia koe te aere mai ki reira me kore na runga i te vitio karangaranga.

•   Akara i te vitio Eaa te Raveia Ana i ko i te Are Uipaanga Patireia? kia kite i taau ka tapapa atu me tae koe ki teia uipaanga.

•   Kimi i tetai uipaanga vaitata kia koe na te akara anga i te kapi Uipaanga Putuputuanga a te Au Kite o Iehova.

 Maata te au atikara e te au vitio i runga i teia website ka tauturu ia koe kia kite maata no runga i ta Iesu apiianga e te puapinga o tona atinga.

 Ei akaraanga, kia kite akapeea i rauka ai i te mate o te tangata okotai kia akapuapinga i te mirioni ua atu tangata, tatau i te au atikara “Akaora a Iesu—Akapeea?” e “No Teaa ra a Iesu i Mamae ei e i Mate ei?” me kore akara i te vitio Eaa a Iesu i Mate Ei?