KARERE PUAPINGA
Rapakauanga Maki—Ta te Patireia o te Atua ka Rave
“Te ope anga o te COVID-19 kare e ko te openga ïa o ta te Covid-19 ka akatupu ki te oraanga i te ao katoa.. . . Me tupu akaou mai tetai maki kino—ae ka tupu mai te reira—kia papa ua rai tatou.”—Dr. Tedros Adhanom Ghebreyesus, te akaaere maata o te World Health Organization, Me 22, 2023.
E maata te au tangata te tupu nei rai te maki kopapa e te maki manako kia ratou no te maki COVID-19. Kua papa ainei te au kavamani e te au akaaereanga rapakauanga maki me tupu akaou mai tetai maki kino e te tauturu mai i to tatou maki e tupu nei kia tatou?
Te akakite maira te Pipiria no runga i tetai kavamani te ka rapakau i to tatou maki. Karanga ra e “e akatupu ei te Atua no te rangi i tetai basileia,” me kore kavamani. (Daniela 2:44) I raro ake i taua kavamani, ‘kare oki to te reira au tangata e karanga e, Kua maki au.’ (Isaia 33:24) Ka mataora i reira te katoatoa no te oraanga kopapa meitaki e te maroiroi.—Iobu 33:25.