“Te tupu nei te tumatetenga i te pae o te maki manako i rotopu i te au mapu—e na te social media e akatupu nei i te reira.”—Dr. Vivek Murthy, taote maata i Marike, New York Times, Tiunu 17, 2024.

 Akapeea te au metua me paruru i ta ratou tamariki mei te au kino o te social media? Te oronga maira te Pipiria i te tauturu meitaki.

 Akara i teia au kaveinga Pipiria.

 “Te akara meitaki ra te tangata akono ra i tona takainga.”—Maseli 14:15.

 No te maata o te au kino ka tupu, auraka e maroia kia tuku ua i taau tama kia taangaanga i te social media. I mua ake ka akatika ai koe iaia kia taangaanga i te social media, e akapapu e kua pakari aia te akaiti i te taime ka pou, te akono i te au pirianga oa meitaki, e kare e akara i te au mea tau kore.

•   Kia kite maata atu, tatau i teia nga atikara “Should My Child Use Social Media?” e te “Teaching Your Teenager Social Media Safety.”

 “[E] taporoporo marie i te tuatau.”—Ephesia 5:16.

 Me ka akatika koe i taau tama kia taangaanga i te social media, e akanoo i te au ture no te reira, e e akamārama e e meitaki teia nona. Kia matakite i te au taui anga i roto i taau tama e penei ka anoanoia kia akaiti mai i tana kanga ki runga i te social media.

•   Teia te teata torōia Taangaanga Meitaki i te Initaneti ei tauturu i taau tama kia mārama e e meitaki kia akaiti i te taime ka pou.

 Te karanga ra te Pipiria e “ka tupu te kino maata.” (2 Timoteo 3:1-5) Te akakite katoa maira te Pipiria i te akoanga meitaki ei tauturu ia tatou kia akakoromaki. Ka kitea e tere atu i te 20 au tauturu Pipiria no te au metua e ta ratou tamariki i roto i teia atikara no te oraanga manako o te au mapu.