Ia Iesu i te enua nei, kua akaperepere aia i te tangata, te aronga putaua tikai tei taitaiaia. (Mataio 9:36) Kua akaatinga aia i tona oraanga kia puapingaia te katoatoa. (Mataio 20:28; Ioane 15:13) Kare e roa atu ana, ka akaari akaou aia i tona akaperepere i te tangata na te taangaanga anga i tona mana tutara ei Ariki no te Patireia o te Atua kia takore i te putaua i te au enua katoatoa.

 Na roto i te au tuatua pee, te akakite ra te Pipiria i ta Iesu ka rave:

•   “Nana e akataka i te tuatua i tei akaaka i o te au tangata ra; te tamariki a te aronga apinga kore ra.”—Salamo 72:4.

 Akapeea tatou me akaari e te āriki tikai ra tatou i ta Iesu i rave e ka rave no tatou? I te au tuatua a Luka 22:19, kua akakite a Iesu ki tana au pipi kia akamaara i tona mate. No reira i te au mataiti ravarai, i te rā akamaaraanga o tona mate, ka akaputu mai te Au Kite o Iehova ki te ngai okotai. Te pati nei matou ia koe kia piri mai no te Akamaaraanga i te mate o Iesu a te Tapati, Mati 24, 2024.

Kimi i Tetai Akamaaraanga