No te maata anga o te tangata, e moemoea ua teia kia taokotai te tangata kare i tupu ake.

•   “Te takino ua atura te tu iriiri tangata i te au akaaereanga, te au taokotai tangata, e te oraanga tangata. Te akatupu nei teia i te tu taokotai kore o te tangata.”—António Guterres, UN Secretary-General.

 Ka taokotai ainei te au tu tangata? Eaa ta te Pipiria e akakite maira?

 Te apii maira te Pipiria i to te Atua manako no runga i te au tu tangata tukeke.

•   “Anga [te Atua] i te tangata i te pa enua katoa nei i te toto okotai ra, ei noo i te pa enua katoatoa nei.”—Angaanga 17:26.

•   “Kare te Atua e akono i te tu o te tangata: Ko te mataku ra iaia, e ko te rave i te tuatua-tika, i te pa enua ravarai, ko tei kiteia mai ïa e ia.”—Angaanga 10:34, 35.

 Te akakite maira te Pipiria e toto okotai te tangata ravarai e te akaperepere ra te Atua i te au tu tangata ravarai.

 Ka taokotai te tangata na roto i te Patireia o te Atua. Na teia kavamani e apii i te tangata kia akono meitaki i tetai e tetai. Ka apii te tangata kia autu i to ratou au manako iriiri.

•   Ka “apii ra to te ao nei i te tuatua-tika i reira.”—Isaia 26:9.

•   “Ta te tuatua-tika angaanga, ko te au ïa; e te openga o te tuatua-tika ra, ko te pekapeka kore ïa, e te mataku kore, e tuatau ua atu.”—Isaia 32:17.

 I teia ra, e mirioni ua atu tangata te apii nei i te Pipiria akapeea me akono meitaki i tetai ma te ngateitei e te maru.

•   Kia kite maata atu, tatau i te makatini E Ara! te tumu manako “E Rapakau Ainei to te Tu Papakitai?”

•   Tatau i te atikara “Talking to Children About Racism” kia kite te au metua akapeea me uriuri i teia tumu manako i te kainga.