KIA MATAKITE!
Ko te Rua Mataiti Teia o te Tamaki i Ukraine—Eaa te Manakonakoanga i Roto i te Pipiria?
Varaire, Peperuare 24, 2023, e rā maromaroa tikai, e tai mataiti i teianei te tupu anga te tamaki i Ukraine. I na tetai au ripoti, e 300,000 tuma vaeau o Ukraine e Russia tei mate me kore tei takinokinoia e e 30,000 tangata tei mate i roto i te tamaki. Penei e maata atu te reira tareanga.
Ma te maromaroa, akaraanga kare e ope teia tamaki.
“E okotai mataiti i teianei i te tomo anga te vaeau o Russia ia Ukraine, e kare rai teia tamaki e ope ake. Kare nga tua tataki tai e upokotu mei teia tamaki, e kare atu e ravenga meitaki ka āriki raua.”—NPR (National Public Radio), Peperuare 19, 2023.
Maata te tangata te taitaia nei no te mamae e te kino ta teia i akatupu e tetai atu au manamanata ki te au tangata ravarai i teianei ao. Eaa te manakonakoanga i roto i te Pipiria? Ka ope ainei te tamaki?
Tetai tamaki te ka takore atu i te au tamaki
Te akakite maira te Pipiria i tetai tamaki te ka akaora i te au tangata ravarai. Kapikiia e ko Aramagido, e kua akatakaia mai te reira e ko “te tamaki i taua rā maata o te Atua mana katoatoa ra.” (Apokalupo 16:14, 16) Na roto i teia tamaki, ka takore te Atua i te tutaraanga a te tangata, tei akatupu i te au tamaki kino tikai. Kia kite akapeea a Aramagido me akatupu i te ’au e tuatau ua atu, e tatau i te nga atikara ka aru mai: